Top News

ဒေါ်လာပုံစံ FEC ကဲ့သို့သော ငွေကြေးများကို အကောင်ထည်ဖော်မည်ဆိုသော သတင်းများသည် မှန်ကန်မှုမရှိကြောင်း ဗဟိုဘဏ်က ပြောကြားသည်။

လူမှုကွန်ယက်ပေါ်တွင် ဒေါ်လာပုံစံ FEC ကဲ့သို့ ငွေကြေးများ ၂၀၂၅ ခုနှစ် ဖေဖော်ဝါရီလတွင် စတင်အကောင်အထည်ဖော်မည်ဆိုသော သတင်းများ ပျံ့နှံ့နေမှုနှင့်ပတ်သက်၍ “အဆိုပါသတင်းများသည် မှန်ကန်မှုမရှိကြောင်း အသိပေးအပ်ပါသည်” ဟု ဗဟိုဘက်က စက်တင်ဘာ ၉ ရ​က်တွင် ပြောကြားထားသည်။

ဒေါ်လာပုံစံ FEC ကဲ့သို့ ငွေကြေးများ ၂၀၂၅ ခုနှစ် ဖေဖော်ဝါရီတွင် စတင်အကောင်အထည်ဖော်မည်ဖြစ်ပြီး ၅ ကျပ်တန်၊ ၁၀ ကျပ်တန်၊ ၅၀ ကျပ်တန် စသည်ဖြင့် အမျိုးအစားသုံးမျိုး လျာထားသည်ဆိုသော သတင်းများသည် လူမှုကွန်ယက်စာမျက်နှာများတွင် ပျံ့နှံ့နေကြောင်း သိရသည်။

ပြည်တွင်းသို့ ဝင်ရောက်လာသော ဒေါ်လာငွေကြေးများအား မသမာသူများထံ မရောက်စေရန်နှင့် ပြည်တွင်းနိုင်ငံခြားငွေ ဖူလှုံစေရန်အတွက်ဖြစ်ပြီး ၁ ဒေါ်လာတန်ကြေးသည် အသစ်ထုတ်ဝေမည့် ငွေကြေးနှင့် တန်ဖိုးတူတူပင်ဖြစ်ပြီး ပြည်တွင်းဒေါ်လာသုံးစွဲသူများရောင်းဝယ်သူများအား ထိရောက်စွာအရေးယူနိုင်ဖို့ ရည်ရွယ်ထား၍ ထုတ်ဝေခြင်းဖြစ်ကြောင်းလည်း လူမှုကွန်ယက်စာမျက်နှာများတွင် ပျံ့နှံ့လျက်ရှိကြောင်း သိရသည်။

ပြည်တွင်းသို့ ကုန်း/ရေ/လေကြောင်းလမ်းမှ ဝင်ရောက်လာမည့် နိုင်ငံခြားသား (သို့) ပြည်ပထွက်အလုပ်လုပ်နေသူများအား ဒေါ်လာ ၁၀၀၀ မှစတင်၍ လဲလှယ်နိုင်အောင် ဆောင်ရွက်ပေးမည််ဖြစ်ကြောင်း လူမှုကွန်ယက်စာမျက်နှာများတွင် ပျံ့နှံ့နေကြောင်း သိရသည်။