Top News

မန္တလေးတိုင်​း​ဒေသကြီးအတွင်​း မြို့နယ်​ ၂၃ မြို့နယ်​က တောင်သူများထံမှ ၂၀၁၈ ခု နှစ် မိုးရာသီ စိုက်​စရိတ်​​ချေး​ငွေ ကျပ် ၇၃၈၇ ဒသမ ၇၆ သန်း ကောက်ခံရရှိပြီး ကျန်​ရှိ​နေသည်​့ ​ကြွေးကျန်​များကို မတ်​လကုန်​တွင်​ ပြန်​လည်​​ကောက်​ခံရရှိရန်​အတွက်​ ​တောင်​သူများအား တိုက်​တွန်​းနှိုး​ဆော်​သွားမည်​ဖြစ်​​ကြောင်​း မြန်မာ့လယ်ယာဖွံ့ဖြိုးရေးဘဏ် (မန္တလေးဘဏ်ခွဲ)ထံမှ သိရသည်။

အဆိုပါ မိုးရာသီ စိုက်ပျိုးစရိတ်ချေးငွေကို တိုင်းဒေသကြီးအနေနှင့် ဇူလိုင်တွင် ချေးငွေအပြီး ထုတ်ပေးနိုင်​ခဲ့​ကြောင်​း၂၀၁၇ ခုနှစ်​ မိုးရာသီ​ချေး​ငွေနှင့် နှိုင်​းယှဉ်​လျှင်​ ရှစ်ဘီလျံခန့် ​ ​ချေး​ငွေ​လျော့နည်​းခဲ့​ကြောင်​း ၂၀၁၉ ခုနှစ် မတ် ၃၁ ရက်နေ့ နောက်ဆုံးထားပြီး အကြွေးကျန်ဆပ်နိုင်ရန်အတွက်​ မြို့နယ် ဘဏ်ခွဲအားလုံးကို တိုက်တွန်းနှိုးဆော်မှာ ကြားထားသည်​ဟုမြန်မာ့လယ်ယာဖွံ့ဖြိုးရေးဘဏ် (မန္တလေးဘဏ်ခွဲ)တိုင်းမန်နေဂျာ ဦးစုက ပြောကြားသည်။

“မြို့နယ်ပေါင်း၂၃ မြို့နယ်ကို ကျပ်သန်းပေါင်း ၁၈၆၂၈ ထုတ်ချေးဆောင်ရွက်ခဲ့တယ်။ ထို့နောက် ပြန်လည်ကောက်ခံရရှိတာ ကျပ် ၇၃၈၇ ဒသမ ၇၆ သန်း ကောက်ခံရရှိပြီး ဖြစ်ပါတယ်။ ရာခိုင်နှုန်းအားဖြင့် ၆ ဒသမ ၈ ရာခိုင်နှုန်းရှိပြီး ဖြစ်ပါတယ်။ ဒါကလည်း ကျွန်တော်တို့ ကောက်ခံရေးကာလမှာ လက်ရှိအချိန်က သီးနှံပေါ်စ ဖြစ်တဲ့အတွက် စတင် ကောက်ခံချိန် ဖြစ်ပါတယ်။ ဇန်နဝါရီကုန် လောက်ဆို ရာခိုင်​နှုန်​းအားဖြင့်အခုထက်ပိုပြီး ကောက်ခံဆောင်ရွက်သွားမှာဖြစ်ပါတယ်။ ကျွန်တော်တို့ မန္တလေးတိုင်းဒေသကြီး၏ ရည်​မှန်​းချက်​ကတော့ ၂၀၁၉ ခုနှစ် မတ်  ၃၁ ရက် နောက်ဆုံးထားပြီး အကြွေးကျန်ဆပ်နိုင်ဖို့ မြို့နယ်ဘဏ်ခွဲအားလုံးကို စည်းရုံးပြီး တိုက် တွန်းနှိုးဆော်မှာကြားထားပါတယ်။ တောင်သူတွေအနေနဲ့ကလည်း ယခုနှစ်ကပိုပြီးတော့ မြန်မြန်ဆပ်မယ်လို့ ယုံကြည်ချက် အကြောင်းအရာတစ်ခုက ပုံစံ(၇)တွေ ကို ဘဏ်မှာ ချေးငွေမကြေမချင်း အပ်နှံထားမည်ဆိုတဲ့မူတစ်ခုနဲ့ ဆောင်ရွက်ခဲ့တာဖြစ်တဲ့အတွက် တောင်သူတွေရဲ့ပုံစံ(၇)တွေက ဘဏ်မှာရှိတဲ့ အတွက် တောင်သူတွေကလည်း သူတို့ရဲ့ သီးနှံပေါ်ပေါ်ချင်း  ပြန်လည်ဆပ်ပြီး ပုံစံ(၇)ပြန်ကြမယ်။ ဒါကြောင့်မို့ ဒီနှစ် ၂၀၁၈ မိုး ချေးငွေ ကောက်ခံရေးသည့် ယခင်နှစ်တွေကထက် ပိုပြီးမြန်စွာ ပြန်လည်ကောက်ခံရရှိမယ်လို့ မျှော်လင့်ထားပါတယ်” ဟု တိုင်​းမန်​​နေဂျာ ဦးစုက ​​ပြောကြားသည်​။

အဆိုပါ မိုး​ချေး​ငွေ ၂၀၁၈ ​ချေး​ငွေကို မြို့နယ်​ ၂၃ မြို့နယ်​ရှိ ​တောင်​သူ စုစု​ပေါင်​း ၂၂၀၆၈၅ ဦး၏ စပါးဧက ၄၇၄၇၁၃ ဧက တခြားသီးနှံက ဧက ၇၄၈၄၃၃ ဧက ထုတ်​​ချေးနိုင်​ခဲ့ပြီး စုစု​ပေါင်​း ဧက ၁၂၂၃၁၄၆ ဧက ထုတ်​​ချေးခဲ့သည်​​့ ချေး​ငွေပမာဏသည် ​ ၁၀၈ ဒသမ ၆၂၈ ဘီလျံ ထုတ်​ချေးခဲ့ကြောင်း၊ မြန် မာ့လယ်ယာဖွံ့ဖြိုးရေးဘဏ်မှ ယာသီးနှံများ စိုက်ပျိုးသည့် တောင်သူများအား စိုက်ပျိုး စရိတ်ချေးငွေအနေဖြင့် ယခင်က တစ်ဧက လျှင် ငွေကျပ်ငါးသောင်းနှုန်းဖြင့်သာ ထုတ်ချေးပေးရာက ယခုဘဏ္ဍာနှစ်တွင် တစ်ဧကလျှင် ကျပ်တစ်သိန်းနှုန်းအထိ တိုးမြှင့်၍ ထုတ်ချေးပေးခြင်းဖြစ်ကြောင်း သိရသည်။

ထိုသို့ စိုက်ပျိုးစရိတ်ချေးငွေ ထုတ်ယူရာတွင် လယ်ယာမြေ လုပ်ပိုင်ခွင့်ပြုလက် မှတ် (ပုံစံ - ၇)မူရင်းကို ဘဏ်တွင် အပေါင်ထားရှိပြီး တောင်သူတစ်ဦးချင်း ကိုယ်တိုင် အာမခံစနှစ်နှင့် ထုတ်ချေးပေးသွားမည်​ဖြစ်​​ကြောင်​း သိရသည်​။