Top News

ဧပြီလနောက်ပိုင်း ပထမဆုံးအကြိမ်အဖြစ် စက်သုံးဆီ ၉၂ တစ်လီတာ ကျပ်နှစ်ထောင်အောက်သို့ ရောက်ရှိလာကြောင်း စက်သုံးဆီအရောင်းဆိုင်များထံမှ သိရသည်။

ဇူလိုင် ၇ ရက်တွင် စက်သုံးဆီအရောင်းဈေးနှုန်းများမှာ ၉၂ တစ်လီတာလျှင် ၁၈၃၅ ကျပ်၊ ၉၅ တစ်လီတာလျှင် ၁၉၅၅ ကျပ်၊ ရိုးရိုးဒီဇယ်တစ်လီတာလျှင် ၂၁၉၅ ကျပ်၊ ပရီမီယံဒီဇယ်တစ်လီတာလျှင် ၂၂၂၅ ကျပ်ဖြစ်သည်။

ဇူလိုင် ၆ ရက်က ၉၂ တစ်လီတာလျှင် ၂၀၇၀ ကျပ်၊ ၉၅ တစ်လီတာ ၂၁၉၅ ကျပ်၊ ပရီမီယံဒီဇယ်တစ်လီ တာလျှင် ၂၄၁၀ ကျပ်၊ ရိုးရိုးဒီဇယ်တစ်လီတာလျှင် ၂၃၈၀ ကျပ်ရှိခဲ့ပြီး ဇူလိုင် ၇ ရက်တွင် ဈေးနှုန်းများ ကျဆင်း လာခြင်းဖြစ်သည်။

ယင်းဈေးနှုန်းများမှာ ဧပြီလနောက်ပိုင်းတွင် ပထမဆုံးအကြိမ်အဖြစ် ကျဆင်းလာခဲ့ခြင်းဖြစ်ပြီး စက်သုံးဆီဈေးနှုန်းများမှာ ကျပ် ၂၀၀၀ ကျော်အထက်တွင်သာရှိခဲ့သည်။

“ ဧပြီလကုန်ကဈေးဖြစ်တဲ့ တစ်လီတာကျပ်နှစ်ထောင်အောက်ကို ပထမဆုံးအကြိမ်ပြန်ရောက်သွားပြီ” ဟု စက်သုံးဆီဈေးနှုန်းများကို လေ့လာစောင့်ကြည့်သူတစ်ဦးက ပြောကြားသည်။

ဧပြီ ၃၀ ရက်တွင် ဈေးကွက်အတွင်း ရောင်းချခဲ့သည့် စက်သုံးဆီဈေးနှုန်းများမှာ ၉၂ တစ်လီတာလျှင် ၁၉၆၀ ကျပ်၊ ၉၅ တစ်လီတာလျှင် ၂၀၂၀ ကျပ်၊ ပရီမီယံဒီဇယ်တစ်လီတာလျှင် ၂၃၄၅ ကျပ်၊ ရိုးရိုးဒီဇယ်တစ်လီ တာလျှင် ၂၃၂၀ ကျပ်တို့ဖြစ်သည်။