၂၀၂၁ ခုနှစ်တွင် ကျင်းပမည့် ယူရို-၂၀၂၀ ပြိုင်ပွဲအား ဗြိတိန်တစ်နိုင်ငံတည်း၌သာ ကျင်းပရန် ဥရောပဘောလုံးအဖွဲ့ချုပ် (UEFA) နှင့် အင်္ဂလန်ဘောလုံးအဖွဲ့ချုပ် (FA) တို့ ဆွေးနွေးနေသည့် သတင်းများကို UEFA ပြောရေးဆိုခွင့်ရှိသူတစ်ဦး က ငြင်းဆန်ပယ်ချခဲ့ကြောင်း သိရသည်။
ဥရောပနိုင်ငံများတွင် COVID-19 ရောဂါဖြစ်ပွားမှု တစ်ကျော့ပြန်မြင့်တက်လျက်ရှိသော ကြောင့် ယူရို-၂၀၂၀ ပြိုင်ပွဲအား ဗြိတိန်တစ်နိုင်ငံတည်း၌သာ ကျင်းပရန် ဖြစ်နိုင်ခြေရှိသည့်အလားအလာများကို UEFA နှင့် FA တို့ ဆွေးနွေး လျက်ရှိကြောင်း ဗြိတိန်မီဒီယာများက မနေ့က ဖာ်ပြခဲ့ကြသည်။
သို့သော် ယင်းသတင်းများနှင့်ပတ်သက်၍ UEFA ၏ ပြောရေးဆိုခွင့်ရှိသူတစ်ဦးက ဗြိတိန်အခြေစိုက် Sky Sports သတင်းဌာနနှင့်တွေ့ဆုံစဉ် "UEFA အနေနဲ့ ယူရို-၂၀၂၀ ပြိုင်ပွဲကို ယခုနှစ် အစောပိုင်းမှာ အတည်ပြုခဲ့တဲ့ပုံစံနဲ့ ကွင်းတွေမှာပဲ ကျင်းပဖို့ ရည်ရွယ်ထားပါတယ်။ ကျွန်တော်တို့အနေနဲ့ အိမ်ကွင်းလက်ခံကျင်းပဖို့ ပြင်ဆင်နေတဲ့ မြို့အားလုံးနဲ့လည်း အနီးကပ် ဆောင်ရွက်လျက်ရှိပါတယ်။ COVID-19 ကြောင့် မရေရာမှုတွေရှိနေပေမဲ့ ဇွန်၊ ဇူလိုင်မှာ ကျင်းပမယ့်ပြိုင်ပွဲမှာ ပရိသတ်တွေ ကြည့်ရှုခွင့်ပြုမပြု ဆုံးဖြတ်ဖို့ကတော့ အချိန်စောလွန်းပါသေးတယ်။ UEFA အနေနဲ့ လက်ရှိမှာ ဒီပြိုင်ပွဲကို ကွင်း ၁၂ ကွင်းမှာ ပရိသတ်တွေနဲ့အတူ ကျင်းပနိုင်ဖို့ အာရုံစိုက်ပြီး လုပ်ဆောင်နေပါတယ်။ ဒီအစီအစဉ်နဲ့ ဆန့်ကျင်ဘက်ဖြစ်တဲ့ ဆုံးဖြတ်ချက်ချဖို့ လိုအပ်ရင်လည်း ပိုပြီး နီးကပ်တဲ့အချိန်ကျမှ ဆုံးဖြတ်ပါလိမ့်မယ်။ လတ်တလောမှာတော့ ဘယ်ကွင်းကိုမှ အပြောင်းအလဲလုပ် ဖို့ အစီအစဉ်မရှိသေးပါဘူး" ဟု ပြောကြားခဲ့သည်။
ယခုလဆန်းပိုင်းတွင်လည်း ယူရို-၂၀၂၀ ပြိုင်ပွဲကို ၂၀၁၈ ကမ္ဘာ့ဖလားပြိုင်ပွဲ ကျင်းပခဲ့သည့် ရုရှားတစ်နိုင်ငံတည်း၌ ကျင်းပရန် ဖြစ်နိုင်ခြေကို UEFA က ထည့်သွင်းစဉ်း စားနေကြောင်း ပြင်သစ်နိုင်ငံထုတ် Le Parisien သတင်းစာက ဖော်ပြ ခဲ့သောကြောင့် UEFA က ကြေညာချက်ထုတ်ပြန်၍ ရှင်းလင်းခဲ့ရသည်။
UEFA ဥက္ကဋ္ဌ ဆယ်ဖာရင်ကလည်း ယင်းပြိုင်ပွဲကို ထပ်မံရွှေ့ဆိုင်းမည် မဟုတ်ဘဲ လာမည့်နှစ်တွင် မဖြစ်မနေကျင်းပမည်ဟု အတည်ပြုထားပြီး လက်ခံကျင်းပမည့် နိုင်ငံအရေအတွက်မှာမူ ၁၂ နိုင်ငံအစား လျော့ကျသွားနိုင်ကြောင်း ဝန်ခံပြောကြားထားသည်။ "ယူရိုပြိုင်ပွဲ ကျင်းပဖြစ်မယ်ဆိုတာ ကျွန်တော်တို့ အာမခံနိုင်ပါတယ်။ ကျွန်တော်တို့လုပ်ရမယ့် အစီအစဉ်က ယူရိုပြိုင်ပွဲကို မဖြစ်မနေကျင်းပဖို့ပါ။ ဒါပေမဲ့ နိုင်ငံ ၁၂ နိုင်ငံထက် လျော့သွားနိုင်တယ်ဆိုတာကိုတော့ ကျွန်တော်ပြောပါရစေ။ ကျွန်တော်တို့အနေနဲ့ ယူရိုပြိုင်ပွဲကို ၁၁ နိုင်ငံ၊ ရှစ်နိုင်ငံ၊ ငါးနိုင်ငံ ဒါမှမဟုတ် တစ်နိုင်ငံတည်းမှာပဲဖြစ်ဖြစ် လုပ်ဖြစ်နိုင်ပါတယ်" ဟု ဆယ်ဖာရင်က ပြောကြားခဲ့သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
