မန်စီးတီးအသင်းကွင်းလယ်လူ ဒီဘရိုင်းနားသည် ယနေ့ညတွင် ယှဉ်ပြိုင်ကစားမည့် ဒိုင်နမိုဇာဂရက်နှင့် ချန်ပီယံလိဂ်အုပ်စုပွဲစဉ်ကို ပေါင်ခြံဒဏ်ရာကြောင့် လွဲချော်မည်ဖြစ်ကြောင်း မန်စီးတီးအသင်းက အတည်ပြုခဲ့သည်။
မန်စီးတီးအသင်းကွင်းလယ်လူ ဒီဘရိုင်းနားသည် ယနေ့ညတွင် ယှဉ်ပြိုင်ကစားမည့် ဒိုင်နမိုဇာဂရက်နှင့် ချန်ပီယံလိဂ်အုပ်စုပွဲစဉ်ကို ပေါင်ခြံဒဏ်ရာကြောင့် လွဲချော်မည်ဖြစ်ကြောင်း မန်စီးတီးအသင်းက အတည်ပြုခဲ့သည်။
ဒီဘရိုင်းနားသည် အဆိုပါပေါင်ခြံဒဏ်ရာကို ပြီးခဲ့သည့်စနေနေ့က ကစားခဲ့သော ပရီးမီးယားလိဂ်ပွဲစဉ် အဲဗာတန် (၁-၃) မန်စီးတီးပွဲတွင် ရရှိခဲ့ခြင်းဖြစ်သည်။
ဒီဘရိုင်းနားသည် အဆိုပါဒဏ်ရာကြောင့် တနင်္လာနေ့က ပြုလုပ်ခဲ့သည့် အသင်း၏လေ့ကျင့်ရေးအစီအစဉ်များတွင် ပါဝင်နိုင်ခဲ့ခြင်းမရှိခဲ့ကြောင်း သိရသည်။
မန်စီးတီးအသင်းအနေဖြင့် ဒိုင်နမိုဇာဂရက်နှင့်ပွဲကို ဒီဘရိုင်းနားလွဲချော်မည်ဟု အတည်ပြုခဲ့သော်လည်း မည်မျှအနားယူရမည်ကိုမူ ထုတ်ပြန်ခဲ့ခြင်း မရှိပေ။
မန်စီးတီးအသင်း၏ ထုတ်ပြန်ချက်တွင် '' ဒီဘရိုင်းနားအနေဖြင့် မည်မျှအနားယူရမည်ဆိုသည်မှာ ကစားသမား၏ အခြေအနေအပေါ်မူတည်ကြောင်းနှင့် မိမိတို့အနေဖြင့် ကျွမ်းကျင်ဆရာဝန်များနှင့် တိုင်ပင်ကာ ဒီဘရိုင်းနား၏ အခြေအနေကို စောင့်ကြည့်နေကြောင်း'' ပါရှိသည်။
အသက် (၂၈)နှစ်အရွယ်ရှိ ဘယ်လ်ဂျီယံကွင်းလယ်လူ ဒီဘရိုင်းနားသည် ယခုရာသီတွင် မန်စီးတီးအသင်းအတွက် ပရီးမီးယားလိဂ်ပြိုင်ပွဲတွင် ဂိုးဖန်တီးမှု (၈)ကြိမ်အထိပြုလုပ်ပေးထားသည်။
ဒီဘရိုင်းနားသည် ပြီးခဲ့သည့်ရာသီကလည်း ဒဏ်ရာပြဿနာများနှင့် ရင်ဆိုင်ခဲ့ရပြီး အသင်းအတွက် ပြိုင်ပွဲစုံ (၃၁)ပွဲသာ ပါဝင်ကစားနိုင်ခဲ့ကြောင်း သိရသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
