ပလတ်စတစ်စွန့်ပစ်ပစ္စည်းများ တင်ပို့နေခြင်းများအား ထိန်းချုပ်ရန် ကုလသမဂ္ဂ သဘောတူညီချက်အသစ်ကို နိုင်ငံ ၁၈၀ ဝန်း ကျင်က မေ ၁၀ ရက်တွင် သဘောတူညီခဲ့ကြသည်ဟု စီစဉ်သူများက ပြောကြားခဲ့သည်။
ဂျီနီဗာတွင် ကိုယ်စားလှယ် ၁၄၀၀ ခန့်သည် ၁၂ ရက်ကြာ ဆွေးနွေးခဲ့ပြီးနောက် ထို သဘောတူညီချက် ရရှိသွားကြခြင်းဖြစ်သည်။ ပလတ်စတစ်စွန့်ပစ်ပစ္စည်းကိစ္စသည် ကမ္ဘာပေါ်တွင် အရေးအကြီးဆုံး သဘာဝ ပတ်ဝန်းကျင်ဆိုင်ရာ ပြဿနာဖြစ်သည်ဟု ကုလသမဂ္ဂ သဘာဝပတ်ဝန်းကျင်အစီအစဉ် (UNEP) မှ အမှုဆောင်အတွင်းရေးမှူး ရော့ဖ်ပေယက်က ခေါ်ဆိုခဲ့သည်။
ပလတ်စတစ်အပါအဝင် အန္တရာယ်ဖြစ်စေသည့် စွန့်ပစ်ပစ္စည်းများကို ဥပဒေအရ မဖြစ်မနေလုပ်ဆောင်ရမည့် မူဘောင်တစ်ခုဖြင့် ထိန်းချုပ်ရန် ၁၉၈၉ ခုနှစ်က Basel ကွန်ဗင်းရှင်းအား ယခု ဂျီနီဗာအစည်းအဝေးက ထပ်မံပြင်ဆင်ဖြည့်စွက်ခဲ့ခြင်းဖြစ်သည်။
“ပလတ်စတစ် စွန့်ပစ်ပစ္စည်းတွေကို ထိန်းချုပ်နိုင်ဖို့ ကမ္ဘာတစ်ဝန်းလုံးကို သက်ရောက်မှုရှိပြီး တရားရေးအရ မဖြစ်မနေလုပ်ဆောင်ရမယ့် လုပ်ထုံးလုပ်နည်းကို Basel ကွန်ဗင်းရှင်းမှာ ပါတဲ့သူတွေက ဂျီနီဗာမှာ သဘောတူခဲ့ကြတဲ့အတွက် ကျွန်တော်အနေနဲ့ ဂုဏ်ယူမိပါတယ်” ဟု ပေယက်က ပြောကြားခဲ့သည်။
“အမေရိကန်၊ ကနေဒါ အစရှိတဲ့ ဖွံ့ဖြိုးပြီးနိုင်ငံတွေဟာ အာရှက ဖွံ့ဖြိုးဆဲနိုင်ငံတွေဆီကို အဆိပ်ဖြစ်စေတဲ့ ပလတ်စတစ်စွန့် ပစ်ပစ္စည်းအရောအနှောတွေကို တင်ပို့ပြီး လက်ခံနိုင်ငံတွေက အဲဒါတွေကို ရီဆိုက်ကယ်လုပ် လိမ့်မယ်လို့ ပြောကြပါတယ်။ တကယ်တမ်းကျတော့ အဲဒီစွန့်ပစ်ပစ္စည်းတွေကို ရီဆိုက်ကယ် မလုပ်နိုင်ကြပါဘူး။ စွန့်ပစ်လိုက်တာ၊ မီးရှို့တာ၊သမုဒ္ဒရာထဲကို ပစ်လိုက်တာမျိုး လုပ်နေကြတာပါ” ဟု IPEN အုပ်စုမှ သိပ္ပံ ရေးရာအကြံပေး ဆာရာဘရိုချီက ဆိုသည်။
အဆိပ်ဖြစ်စေသော ဓာတုပစ္စည်း အုပ်စုနှစ်ခု ဖြစ်ကြသည့် Dicofol ၊ Perfluorooctanoic နှင့် ဆက်စပ်ဒြပ်ပေါင်းများကို ရှင်းလင်းရန်လည်း ဂျီနီဗာဆွေးနွေးပွဲ၌ ကတိပြုခဲ့ကြသည်။ ထိုဓာတုပစ္စည်းများကို အိုးမကပ်စေသည့် မီးဖိုချောင်သုံးပစ္စည်းများ၊ အစားအသောက်ပြင်ဆင်ရေး စက်ကိရိယာမှသည် ကော်ဇော၊ စက္ကူ၊ သုတ်ဆေး အစရှိသည်တို့အထိ စက်ရုံနှင့် အိမ်တွင်းသုံး ပစ္စည်းများတွင် ကျယ်ကျယ်ပြန့်ပြန့် အသုံးပြုနေကြခြင်း ဖြစ်သည်။
ဥရောပသမဂ္ဂကလည်း စက်မှုလုပ်ငန်းဆိုင်ရာ စည်းမျဉ်းများ၊ သဘာဝပတ်ဝန်းကျင် ထိန်းသိမ်းရေး ရည်မှန်းချက်များ ချမှတ်ခြင်းဖြင့် အဖွဲ့ဝင်နိုင်ငံများ၌ သဘာဝပတ်ဝန်းကျင် ကာကွယ်မှုများ အတွက် လမ်းညွှန်ပေးခြင်း၊ ပူးပေါင်းခြင်းတို့ကို လုပ်ဆောင်မည် ဖြစ်သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
