မင်္ဂလာပွဲတစ်ခုတွင် တောကောင်အသား စားမိပြီး ရှားပါးသော ရေကျောက်ရောဂါပိုး ကူးစက်ခံခဲ့ရသည်ဟု ယူဆရသည့် နိုင်ဂျီးရီးယား အမျိုးသားတစ်ဦးက ရောဂါပိုး သယ်ဆောင်လာမှုကြောင့် စင်ကာပူတွင် ရှားပါး ရေကျောက်ရောဂါ ပထမဆုံးအကြိမ် ဖြစ်ပွားခဲ့ကြောင်း ကျန်းမာရေးဝန်ကြီးဌာနက မေ ၈ ရက် နှောင်းပိုင်းတွင် ထုတ်ပြန်ခဲ့သည်။
ဗဟိုနှင့် အနောက်အာဖရိက၏ ဒေသအချို့တွင် ကူးစက်ပျံ့နှံ့သော ထိုရေကျောက်ရောဂါ ကူး စက်ခံရပါက လူသားများတွင် နာကျင်မှု၊ အဖျားတက်မှု၊ ကြွက်သားနာကျင်မှု၊ ချမ်းတုန်မှု အပါအဝင် ရောဂါလက္ခဏာများ ခံစားရ လေ့ရှိသည်။ ရှဉ့်၊ ကြွက်နှင့် မျောက်များကဲ့သို့ ကူးစက်တတ်သည့် တိရစ္ဆာန်များနှင့် အ နီးကပ်ထိတွေ့မှုမှတစ်ဆင့် ထိုရောဂါပိုး ကူးစက်လေ့ရှိပြီး လူအချင်းချင်း ကူးစက်မှုမှာ အကန့်အသတ်ရှိသည်။ ထိုရောဂါသည် ပုံမှန်အားဖြင့် သေဆုံးမှုမရှိသော်လည်း ရှားပါးသော ကူးစက်မှုများ ဖြစ်လေ့ရှိသည်။ အသက် ၃၈ နှစ်ရှိ ထိုနိုင်ဂျီးရီးယား အမျိုးသားသည် ဧပြီ ၂၈ ရက်တွင် စင်ကာပူသို့ ရောက်ရှိလာခဲ့ကြောင်း၊ ယင်းနောက် နှစ်ရက်အကြာတွင် ရောဂါလက္ခဏာများ ပြသခဲ့ကြောင်း စင်ကာပူ ကျန်းမာရေးဝန်ကြီးဌာနက ထုတ်ပြန်ခဲ့ သည်။ ၎င်းအား ကူးစက်ရောဂါ ထိန်းချုပ်ရေးစင်တာ၌ သီးခြားခွဲထားပြီး အခြေအနေ တည်ငြိမ်ကြောင်း၊ ထိုအမျိုးသားနှင့် အနီးကပ်ထိပ်တွေ့မှုရှိခဲ့သည့် အခြားလူ ၂၃ ဦးကိုလည်း သီးခြားခွဲထားပြီး ၂၁ ရက်ကြာ စောင့် ကြည့်သွားမည်ဖြစ်ကြောင်း စင်ကာပူက ထုတ်ပြန်ခဲ့သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
