Top News

ပြည်တွင်းသုံးငွေဖြင့် ကုန်သွယ်နိုင်ရေး မြန်မာနှင့် အိန္ဒိယ ဆွေးနွေး

24htopnews | September 23, 2024 11:12 AM CST

မြန်မာနှင့် အိန္ဒိယ နှစ်နိုင်ငံကြားကုန်သွယ်မှု မြှင့်တင်ရေးအတွက် ပြည်တွင်းသုံးငွေဖြင့် အသုံးပြုနိုင်မည့် နည်းလမ်းများကို ဆွေးနွေးခဲ့ကြသည်ဟု အိန္ဒိယ ကူးသန်းရောင်းဝယ်ရေးနှင့် စက်မှုဝန်ကြီး က သူ၏ တွစ်တာမှ တဆင့် ရေးသားထားသည်။

အိန္ဒိယ ရူပီးနှင့် မြန်မာကျပ်ငွေ အသုံးပြုနိုင်မည့် နည်းလမ်းများကို နှစ်နိုင်ငံအကြား ဆွေးနွေးခဲ့ကြကာ နှစ်နိုင်ငံ ပြည်တွင်းသုံးငွေဖြင့် ပေးချေပြီး ကုန်သွယ်ခြင်းအားဖြင့် ငွေကြေးလဲလှယ်ရန်လိုအပ်တော့သည့်အတွက် ကုန်ကျစရိတ် လျှော့ချနိုင်မည်ဟုလည်း
ရည်ရွယ်ကြောင်း သိရသည်။

ထိုသို့တွေ့ဆုံခြင်းကို လာအိုနိုင်ငံ၊ ဗီယင်ကျန်းမြို့၌ ကျင်းပသည့်၁၂ ကြိမ်မြောက် အရှေ့အာရှထိပ်သီး စီးပွားရေးဝန်ကြီးများ အစည်းအဝေးပြင်ပ၌ ရင်းနှီးမြှုပ်နှံမှုနဲ့ နိုင်ငံခြား စီးပွားဆက်သွယ်ရေးဝန်ကြီး ဒေါက်တာကံဇော်နှင့် အိန္ဒိယ ကူးသန်းရောင်းဝယ်ရေးနဲ့ စက်မှုဝန်ကြီး Piyush Goyal တို့ စက်တင်ဘာ ၂၁ ရက်နေ့က ဆွေးနွေးခဲ့ခြင်း ဖြစ်သည်။

ထို့အပြင် နှစ်နိုင်ငံကုန်သွယ်ရေး ပူးပေါင်းဆောင်ရွက်ရန်အလားအလာရှိသည့် ကဏ္ဍများနှင့် အာဆီယံ-အိန္ဒိယ ကုန်သွယ်မှု
ဆိုင်ရာ ကုန်စည်သဘောတူညီချက်ကို သုံးသပ်ဆွေးနွေးခဲ့ကြောင်း သိရသည်။