လီဗာပူးလ်အသင်းသည် အသင်း၏ တိုက်စစ်ကြယ်ပွင့် ဆာလာထွက်ခွာခဲ့ပါက အစားထိုးရန်အတွက် ရီးယဲလ်တောင်ပံတိုက်စစ်ကစားသမား ရိုဒရီဂိုအား ခေါ်ယူရန် စိတ်ဝင်စားနေကြောင်း သိရသည်။
ရိုဒရီဂိုသည် လက်ရှိအချိန်တွင် ရီးယဲလ်မက်ဒရစ်အသင်းနှင့် စာချုပ်သက်တမ်းကုန်ဆုံးရန် နီးစပ်နေသည့် ကစားသမားတစ်ဦးဖြစ်ပြီး သက်တမ်းတိုးရန် သဘောတူညီမှု မရရှိပါက အသင်းမှထွက်ခွာဖွယ်ရှိနေသည်။
လီဗာပူးလ်အသင်းအနေဖြင့်လည်း ရိုဒရီဂိုအား အသင်းထံသို့ လာရောက်ကစားရန် စည်းရုံးနိုင်ပါက ရိုဒရီဂိုသည် ရီးယဲလ်မက်ဒရစ်အသင်းတွင် ကစားသမားဘ၀ နောက်ဆုံးလများကို ကစားရတော့မည်ဖြစ်သည်။
လီဗာပူးလ်အသင်းသည် ရိုဒရီဂိုကို ခေါ်ယူရန်အတွက် အပြောင်းအရွှေ့အသုံးစရိတ် ပေါင်သန်း (၁၀၀)အထိ အသုံးပြုရန် စိတ်ဝင်စားနေပြီး ယင်းပမာဏမှာ ကလပ်အသင်းသမိုင်းတွင် ကစားသမား ခေါ်ယူမှုအတွက် စံချိန်တင်ပြောင်းရွှေ့ကြေးတစ်ခုလည်း ဖြစ်လာမည်ဖြစ်သည်။
အသက် (၂၃) နှစ်အရွယ်သာ ရှိသေးသည့် ရိုဒရီဂိုသည် လက်ရှိအချိန်တွင် ရီးယဲလ်မက်ဒရစ်အသင်း၏ အဓိက ကစားသမားတစ်ဦးအဖြစ် ခြေစွမ်းပြကစားလျက်ရှိပြီး စုစုပေါင်း (၂၂၅) ပွဲကစားခဲ့ရာတွင် (၅၇) ဂိုးသွင်းကာ၊ (၄၃)ကြိမ် ဖန်တီးပေးထားသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
