အာဂျင်တီးနားအသင်းနည်းပြ စကာလိုနီက PSG တိုက်စစ်မှူး အီကာဒီအား အသင်းတွင် ပြန်လည်ရွေးချယ်ရန် စောင့်ကြည့်နေကြောင်း ပြောကြားခဲ့သည်။
အာဂျင်တီးနားအသင်းနည်းပြ စကာလိုနီက PSG တိုက်စစ်မှူး အီကာဒီအား အသင်းတွင် ပြန်လည်ရွေးချယ်ရန် စောင့်ကြည့်နေကြောင်း ပြောကြားခဲ့သည်။
အသက် (၂၆)နှစ်အရွယ်ရှိ အီကာဒီသည် ယခုနှစ်အတွင်း အာဂျင်တီးနားအသင်းတွင် မပါဝင်ခဲ့ခြင်းမရှိဘဲ ဘရာဇီးလ်၊ ဥရုဂွေးတို့နှင့် ခြေစမ်းမည့် အသင်းလူစာရင်းတွင်လည်း ပါဝင်လာခြင်း မရှိပေ။
သို့သော် အီကာဒီသည် ယခုရာသီတွင် PSG အသင်း၌ ပြိုင်ပွဲစုံ (၁၀)ပွဲတွင် (၉)ဂိုးသွင်းယူထားပြီး အာဂျင်တီးနားအသင်းတွင် ရွေးချယ်ခံရရန် ထိုက်တန်သည့် ခြေစွမ်းပြသနေသည်ဟု မီဒီယာများက ဖော်ပြခဲ့ကြသည်။
စကာလိုနီက "အီကာဒီကို ကျွန်တော်တို့ စောင့်ကြည့်နေပါတယ်။ အီကာဒီအနေနဲ့ ပြီးခဲ့တဲ့ရာသီက အင်တာမီလန်အသင်းမှာ ပြဿနာတွေဖြစ်ပွားခဲ့ပေမယ့် အခုတော့ သူ ဘောလုံးပြန်ကစားနေပါပြီ။ သူက ကျွန်တော်တို့ရဲ့ အစီအစဉ်ထဲမှာ ပါဝင်သူဖြစ်ပါတယ်။ သူ့အနေနဲ့ PSG အသင်းမှာ ခြေစွမ်းကောင်းတွေကို ဆက်ထိန်းထားနိုင်မယ်ဆိုရင် အာဂျင်တီးနားအသင်းမှ ပါဝင်ခွင့်ရမှာပါ။ အာဂျင်တီးနားအသင်းက ကစားသမားကောင်းတွေအတွက် အမြဲတမ်းတံခါးဖွင့်ထားပါတယ်"ဟု ပြောကြားခဲ့သည်။
အီကာဒီသည် အာဂျင်တီးနားလက်ရွေးစင်အသင်းတွင် ၂၀၁၃ ခုနှစ်က စတင်ပွဲထွက်ခဲ့သော်လည်း (၈)ပွဲသာ ပါဝင်ကစားခွင့်ရခဲ့ပြီး (၁)ဂိုးသာ သွင်းယူထားသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
