မြန်မာနိုင်ငံ၏ ထင်ရှားကျော်ကြားသောခရီးစဉ်များကို လာရောက်လည်ပတ်ရန် ကူမင်းမြို့၊ မြန်မာကောင်စစ်ဝန်ချုပ် ဦးသွင်ထက်လင်းက စက်တင်ဘာလ (၁၉)ရက်မှ (၂၅)ရက်အထိ ကျင်းပသည့် အပြည်ပြည်ဆိုင်ရာ ပိုးလမ်းမမြို့တော်များ ခရီးသွားလာရေး မဟာမိတ်အဖွဲ့ဆွေးနွေးပွဲတွင် ဖိတ်ခေါ်ခဲ့ခြင်းဖြစ်သည်။
အဆိုပါ ဆွေးနွေးပွဲတွင် မြန်မာကောင်စစ်ဝန်ချုပ်သည် နေပြည်တော်၏ သွားရောက်လည် ပတ်နိုင်မည့်နေရာများကို ရှင်းလင်းပြောကြားခဲ့ပြီး မြန်မာနိုင်ငံအနေဖြင့် ခရီးသွားလုပ်ငန်းနှင့် ယဉ်ကျေးမှုဖလှယ်ရေးကဏ္ဍတွင် ပိုမိုဖွံ့ဖြိုးတိုးတက်စေရေးအတွက် အဖွဲ့ဝင်နိုင်ငံများနှင့် အပြန်အလှန်ပူးပေါင်းဆောင်ရွက်သွားရန် ကိစ္စရပ်များကို ပြောကြားခဲ့ကြောင်း သိရသည်။
ထို့ပြင် မြန်မာနိုင်ငံ၏ ထင်ရှားကျော်ကြားသော ခရီးစဉ်လမ်းကြောင်းများဖြစ်သည့် ပုဂံယူနက်စကို ကမ္ဘာ့ အမွေအနှစ်ဒေသ၊ အင်းလေးကန်၊ နေပြည်တော် ကျောက်မျက်ခန်းမနှင့် ကမ္ဘာ့အမြင့်ဆုံး ထိုင်တော်မူ မာရဝိဇယ စကျင်ဗုဒ္ဓရုပ်ပွားတော်စသည့် ခရီးစဉ်များကို လာရောက်လည်ပတ်ရန် ဖိတ်ခေါ် လိုကြောင်း ပြောကြားခဲ့သည်။
မြန်မာကောင်စစ်ဝန်ချုပ်သည် “Economic Globalization and Cultural Diversity: Cultural Exchange and Tour ism Development of Silk Road Cities.” ခေါင်းစဉ်ဖြင့် မဟာမိတ်အဖွဲ့၏ အဖွဲ့ဝင်နိုင်ငံများနှင့် မြို့တော်များအနေ ဖြင့်လည်း မြန်မာနိုင်ငံနှင့် ခရီးသွားလုပ်ငန်း ကဏ္ဍအပြင် အခြားသော ဖွံ့ဖြိုး တိုးတက်ရေးလုပ်ငန်းများတွင် ပူးပေါင်းဆောင်ရွက်မှုများ တိုးမြှင့်လုပ်ဆောင်ရန် ဖိတ်ခေါ်လိုကြောင်းလည်း ပြောကြားခဲ့သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
