ဘိုင်ယန်မြူးနစ်အသင်းသည် ဂျာမန်တောင်ပံကစားသမား ဆာနေးအား ယူရိုသန်း (၆၀)ဖြင့် ခေါ်ယူရန် မန်စီးတီးအသင်းနှင့် သဘောတူညီမှုရရှိခဲ့ပြီဖြစ်ကြောင်း ဂျာမန်သတင်းစာ Bild က ဖော်ပြခဲ့သည်။
မန်စီးတီးအသင်းနှင့် ချုပ်ဆိုထားသည့် ဆာနေး၏ လက်ရှိစာချုပ်မှာ ၂၀၂၁ ခုနှစ်၊ ဇွန်လ (၃၀)ရက်တွင် စာချုပ်သက်တမ်းကုန်ဆုံးမည်ဖြစ်ပြီး မန်စီးတီးအသင်းက စာချုပ်သက်တမ်းတိုးရန် ကြိုးပမ်းခဲ့သော်လည်း ဆာနေးက ငြင်းပယ်ခဲ့သည်။
ထို့ကြောင့် မန်စီးတီးအသင်းသည် ဆာနေးကို ပြောင်းရွှေ့ကြေးအလွတ်ဖြင့် လက်လွှတ်လိုခြင်းမရှိသဖြင့် ရောင်းချရန် ဆုံးဖြတ်ခဲ့ပြီး ယခုအခါ ဘိုင်ယန်မြူးနစ်အသင်း၏ ကမ်းလှမ်းမှုကို လက်ခံခဲ့ခြင်းဖြစ်သည်။
ဘိုင်ယန်မြူးနစ်အသင်းသည် ဆာနေးအတွက် မန်စီးတီးအသင်းကို ကနဦး ယူရို (၄၉)သန်း ပေးချေမည်ဖြစ်ပြီး Add-ons အဖြစ် ယူရို (၁၁)သန်း ထပ်မံပေးချေရမည်ဖြစ်သည်။
ထို့ပြင် ဘိုင်ယန်မြူးနစ်အသင်းအနေဖြင့် ဆာနေးကို ပြန်လည်ရောင်းထုတ်မည်ဆိုပါက ပြောင်းရွှေ့ကြေး၏ (၁၀)ရာခိုင်နှုန်းကိုလည်း မန်စီးတီးအသင်းကို ပေးချေရန် သဘောတူခဲ့ကြောင်း သိရသည်။
အသက် (၂၄)နှစ်အရွယ်ရှိ ဂျာမန်တောင်ပံကစားသမား ဆာနေးသည် ဘိုင်ယန်မြူးနစ်အသင်းနှင့် (၅)နှစ်သက်တမ်းရှိ စာချုပ်သက်တစ်ရပ် ချုပ်ဆိုမည်ဖြစ်ပြီး တစ်နှစ်လစာ ယူရို (၂၂)သန်းအထိ ရရှိဖွယ်ရှိနေကြောင်း သိရသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
