ပြီးခဲ့သည့်နွေရာသီအပြောင်း အရွှေ့ကာလတွင် ငွေကြေးများစွာ သုံးစွဲပြီး ကစားသမားသစ်များ ခေါ်ယူထားသည့် ချယ်လ်ဆီးအသင်းသည် လာမည့်ဇန်နဝါရီအပြောင်းအရွှေ့ ကာလတွင်လည်း အလာဘာ၊ တာကောစကီး၊ ဒက်ကလန်ရိုက်စသည့် ကစားသမားများကို ခေါ်ယူရန် စိတ်ဝင်စားနေကြောင်းသိရှိရသည်။
ဒက်ကလန်ရိုက်သည် ယခင်ကတည်းက ချယ်လ်ဆီးအသင်းနည်းပြ လမ်းပတ်ခေါ်ယူရန် ပစ်မှတ်ထားနေသည့် ကစားသမားတစ်ဦးဖြစ်ပြီး ကစားသမားကိုယ်တိုင်ကလည်း ချယ်လ်ဆီးသို့ ပြောင်းရွှေ့ရန် စိတ်ဝင်စားနေသည်။
ယခုအချိန်တွင်လည်း ဘန်လေအသင်း၏ နောက်ခံလူ တာကောစကီးသည် အသင်းက စာချုပ်သက်တမ်းတိုးရန် ကမ်းလှမ်းမှုကို ဒုတိယအကြိမ်ပယ်ချခဲ့သဖြင့် ဘန်လေအသင်းသည် အလွတ်ပြောင်းရွှေ့ကြေးဖြင့် မထွက်ခွာစေလိုပါက ယခုဇန်နဝါရီတွင် ရောင်းထုတ်ရမည့်အနေအထားဖြစ်နေသည်။
အလားတူ ဘိုင်ယန်မြူးနစ်အသင်း၏ နောက်ခံလူ အလာဘာကိုလည်း အသင်းက စာချုပ်သစ်ချုပ်ဆိုရန် ဆွေးနွေးတော့မည်မဟုတ်ဟုဆိုခဲ့ရာ ချယ်လ်ဆီးအသင်းသည် ခံစစ်ပိုင်းကို အားဖြည့်ရန်အတွက် ယင်းကစားသမားများထဲမှ တစ်ဦး (သို့မဟုတ်) နှစ်ဦးကို ခေါ်ယူလိုနေခြင်းဖြစ်သည်။
ချယ်လ်ဆီးအသင်း၏ ဒါရိုက်တာတစ်ဦးဖြစ်သူ မာရီယာဂရန်ဗာနော့ဗ်စကီယာကလည်း အသင်းတွင် ပိုလျှံနေသည့် ကစားသမားများစွာကို ရောင်းထုတ်ရန် စီစဉ်နေပြီး ယင်းငွေကြေးများအပြင် ပေါင်သန်း (၈၀)ခန့် အသုံးပြုပြီး အင်အားဖြည့်ပေးရန် စီစဉ်နေကြောင်း မီဒီယာများက ဖော်ပြနေကြသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
