စပိန်အသင်းနည်းပြ အင်းနရစ်က ဆွစ်ဇာလန်အသင်းသည် ဥရောပအကောင်းဆုံးအသင်းများထဲတွင် တစ်သင်းအပါအဝင်ဖြစ်ကြောင်း ချီးကျူးပြောကြားခဲ့သည်။
စပိန်နှင့် ဆွစ်ဇာလန်အသင်းတို့သည် ဂျာမနီ၊ ယူကရိန်းအသင်းတို့နှင့်အတူ UEFA Nations League ပြိုင်ပွဲ၏ League A - Group 4 တွင် အတူကျရောက်နေပြီး ပွဲစဉ် (၄)ပွဲကစားပြီးချိန်တွင် စပိန်က ပထမနေရာတွင် ရပ်တည်နေပြီး ဆွစ်ဇာလန်က ဇယားနောက်ဆုံးနေရာတွင် ရှိနေသည်။
ဆွစ်ဇာလန်နှင့် စပိန်အသင်းသည် UEFA Nations League အုပ်စုပွဲစဉ် (၅)အဖြစ် နိုဝင်ဘာ (၁၄)ရက်တွင် ဆွစ်ဇာလန်အသင်း၏ အိမ်ကွင်း၌ ယှဉ်ပြိုင်ရမည်ဖြစ်သည်။
"ဆွစ်ဇာလန်က တိုက်စစ်ကစားတဲ့ အသင်းပါ။ မက်ဒရစ်မှာ ကစားခဲ့တဲ့ ပထမအကျော့တုန်းကလိုပဲ ဆွစ်ဇာလန်အသင်း ကစားလာမယ်လို့ ကျွန်တော် ထင်ပါတယ်။ သူတို့က ဥရောပအကောင်းဆုံးအသင်းတွေထဲ တစ်သင်းပါ။ ပြီးတော့ သူတို့က အရမ်းကြိုးစားတယ်။ ဇယားအောက်ဆုံးမှာ ရောက်နေတာကို ကြည့်ပြီး သူတို့ကို အကဲဖြတ်လို့ မရပါဘူး။ သူတို့က အရမ်းကြိုးစားတဲ့အသင်းဖြစ်ပြီး သူတို့အနိုင်ရဖို့ ကျွန်တော် အစွမ်းကုန်ကြိုးစားရမှာပါ"ဟု အင်းနရစ်က ပြောကြားခဲ့သည်။
UEFA Nations League ပြိုင်ပွဲ၏ League A - Group 4 တွင် စပိန်အသင်းက (၇) မှတ်၊ ဂျာမနီအသင်းနှင့် ယူကရိန်းတို့က (၆)မှတ်စီရရှိထားပြီး ဆွစ်ဇာလန်အသင်းက (၂) မှတ်သာ ရရှိထားသည်။
စပိန်အသင်းသည် ဆွစ်ဇာလန်အသင်းအား အိမ်ကွင်းတွင် လက်ခံကစားခဲ့သည့် ပထမအကျော့ပွဲစဉ်တွင် (၁-၀)ဂိုးဖြင့် အနိုင်ရထားသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
