Top News

ကယားပြည်နယ်၊ လွိုင်ကော်မြို့နယ်တွင် ဘီလူးချောင်းရေတိုက်စားမှုကြောင့် ပျက်စီးသွားသော ဘီလူးချောင်း အမှတ်(၂) ရေအားလျှပ်စစ် ဓါတ်အားပေးစက်ရုံ(လောပိတ)အား ရေထိန်းတမံအသစ်ပြန်လည်တည်ဆောက်၍ ရေများအမြန်ဆုံးပြန်လည် စုပ်ထုတ်နိုင်ရန် လိုအပ်ကြောင်း ကယားပြည်နယ် ပြည်နယ်ဝန်ကြီးချုပ် ဦးဇော်မျိုးတင်က လမ်းညွှန်မှာကြားလိုက်သည်။

ကယားပြည်နယ် ပြည်နယ်ဝန်ကြီးချုပ် ဦးဇော်မျိုးတင်နှင့် တာဝန်ရှိသူများက စက်တင်ဘာ (၃၀) ရက် နံနက်တွင် လွိုင်ကော်မြို့နယ်ရှိ ဘီလူးချောင်း အမှတ်(၂) ရေအားလျှပ်စစ် ဓါတ်အားပေးစက်ရုံ (လောပိတ)သို့ ရေများ ဝင်ရောက်မှုကို ကြည့်ရှုစစ်ဆေးစဉ် မှာကြားခဲ့ခြင်းဖြစ်သည်။

ထိုသို့ ကြည့်ရှုစစ်ဆေးရာ အမှတ်(၂)စက်ရုံတာဝန်ခံ ဦးဇော်မင်းထွန်းက လက်ရှိဘီလူးချောင်းရေ မြင့်တက်သဖြင့် ရေကြီးရေလျှံမှုဖြစ်ပေါ်ကာ ရေစီးကြောင်းများမှတစ်ဆင့် စက်ရုံအတွင်း ရေများဝင်ရောက်မှု အခြေအနေများကို ရှင်းလင်းတင်ပြသည်။

ထို့နောက် ဝန်ကြီးချုပ်နှင့် တာဝန်ရှိသူများက Switch Yard နှင့် စက်ရုံဝန်းအတွင်း ရေကြီးရေလျှံမှု မဖြစ်ပေါ်စေရေး ကြိုတင်ကာကွယ်ထားသည့် သဲအိတ်များ ကာရံထားရှိခဲ့မှု အခြေအနေများနှင့် ဘီလူးချောင်းရေတိုက်စားမှုကြောင့် ပျက်စီးသွားသော ရေထိန်းတမံအသစ် ပြန်လည်တည်ဆောက် နိုင်ရန် လမ်းညွှန်မှာကြားခဲ့သည်။

ထို့ပြင် ရေစီးလမ်းကြောင်းများ ကောင်းမွန်စေရေးဆောင်ရွက်သွားရန်နှင့် စက်ရုံအတွင်းထပ်မံ၍ ရေကြီးရေလျှံမှု မဖြစ်ပေါ်စေရေး သဲအိတ်များ ထပ်မံ တိုးမြှင့်ကာရံထားပြီး ရေများအမြန်ဆုံးပြန်လည် စုပ်ထုတ်နိုင်ရေး ဌာနဆိုင်ရာ တာဝန်ရှိသူများနှင့် ပေါင်းစပ်ညှိနှိုင်း ဖြည့်ဆည်းဆောင်ရွက်ပေးခဲ့ကြောင်း သိရသည်။

ထိုနောက် အမှတ်(၁)စက်ရုံနှင့် အမှတ်(၂)စက်ရုံတို့အကြား ဘီလူးချောင်းရေမြင့်တက်မှုကြောင့် ရေလွှမ်းဧရိယာဖြစ်ပေါ်နေမှု အခြေအနေများနှင့် ၎င်းနေရာမှ စက်ရုံများသို့ ရေတိုက်စားစီးဆင်းမှုမရှိစေရေး တာအသစ်တည်ဆောက်နေမှုနှင့် တာတမံအဟောင်းပြန်လည်ပြုပြင်နေမှုအား သွားရောက်ကြည့်ရှုခဲ့ကြောင်း သိရသည်။

ဆက်လက်၍ ဘီလူးချောင်း အမှတ်(၁) ရေအားလျှပ်စစ် ဓါ တ်အားပေးစက်ရုံ (လောပိတ)သို ရောက်ရှိရာ အမှတ် (၁) စ က်ရုံမှူး ဦးကျော်သက်ခိုင်က စက်ရုံ၏ လည်ပတ်နေမှုအ ခြေအနေများနှင့် ဆောင်ရွက်နေမှုအခြေအနေများအား ရှင်းလင်းတင်ပြခဲ့ကြောင်း သိရသည်။

ပြည်နယ်ဝန်ကြီးချုပ်နှင့်တာဝန်ရှိသူများက စက်ရုံအတွင်း လှည့်လည်ကြည့်ရှုခဲ့ပြီးနောက် စက်ရုံအား ပုံမှန် လည်ပတ်နိုင်ရေး၊ စက်ရုံနှင့် စက်ရုံပတ်ဝန်းကျင် ရေကြီးရေလျှံမှုမဖြစ်ပေါ်စေရေး လိုအပ်သည့် ကြိုတင်စီမံဆောင်ရွက်ထားရှိရေးနှင့် ဝန်ထမ်းများ၏ အလုပ်ခွင်အန္တရာယ်ကင်းရှင်းစေရေး ဆောင်ရွက်ကြရန် တာဝန်ရှိသူများအား မှာကြားခဲ့ကြောင်းလည်း သိရသည်။