ကမ်းလွန်စီမံကိန်းများမှ ထွက်ရှိသည့် သဘာဝဓာတ်ငွေ့များကို ထိုင်းနိုင်ငံသို့ ရာခိုင်နှုန်း ၅၀၊ တရုတ်နိုင်ငံသို့ ရာခိုင်နှုန်း ၂၀ တင်ပို့ရောင်းချသွားမည်ဖြစ်ပြီး ပြည်တွင်းသုံးစွဲမှုအတွက် ရာခိုင်နှုန်း ၃၀ ခန့် ရောင်းချမည်ဟု ခန့်မှန်းထားကြောင်း ၂၀၂၀-၂၀၂၁ ဘဏ္ဍာနှစ် အရအသုံး ခန့်မှန်းခြေငွေစာရင်းဆိုင်ရာ အချက်အလက်များအရ သိရသည်။
ပြည်တွင်းသုံးအတွက် လျာထားချက်မှ လျှပ်စစ်ဓာတ်အား ထုတ်လုပ်ရေးအတွက် ၈၅ ဒသမ ၉ ရာခိုင်နှုန်း၊ CNG ထုတ်လုပ်ရေးအတွက် ၅ ဒသမ ၃ ရာခိုင်နှုန်း၊ ဓာတ်မြေသြဇာ ထုတ်လုပ်ရေးအတွက် လေးရာခိုင်နှုန်းနှင့် အခြားကဏ္ဍနှင့် လုပ်ငန်းသုံးများအတွက် ၄ ဒသမ ၈ ရာခိုင်နှုန်း သုံးစွဲလျက်ရှိသည်။
ရေနံနှင့် သဘာဝဓာတ်ငွေ့ဝင်ငွေ၏ ရာခိုင်နှုန်း ၈၀ မှာ ကမ်းလွန်စီမံကိန်းမှ ရငွေများဖြစ်ပြီး စီမံကိန်းသစ်များမှ စီးပွားဖြစ်ထုတ်လုပ်နိုင်မှုအခြေအနေများ မရှိသေးကြောင်း ၂၀၂၀-၂၀၂၁ ဘဏ္ဍာနှစ် အရအသုံး ခန့်မှန်းခြေငွေစာရင်းဆိုင်ရာ အချက်အလက်များအရ သိရသည်။
COVID-19 ကြောင့် ကမ္ဘာ့ရေနံစျေးနှုန်း ကျဆင်းမှုနှင့်အတူ လက်ရှိ ၂၀၂၀- ၂၀၂၁ ဘဏ္ဍာနှစ်တွင် ရေနံနှင့် သဘာဝဓာတ်ငွေ့ ထုတ်လုပ်နေသည့်ရတနာ၊ ရဲတံခွန်နှင့် ဇောတိကကမ်းလွန်စီမံကိန်းများမှ ထိုင်းနိုင်ငံသို့ တင်ပို့ရောင်းချသည့် သဘာဝဓာတ်ငွေ့ ခန့်မှန်းစျေးနှုန်းကို 1 MMBTU လျှင် ခြောက်ဒေါ်လာဖြင့်လည်း ကောင်း၊ တရုတ်နိုင်ငံသို့ ရောင်းချသည့် ရွှေကမ်းလွန်စီမံကိန်းအတွက် သဘာဝဓာတ်ငွေ့ခန့်မှန်းစျေးနှုန်းကို 1MMBTU လျှင် ၅ ဒသမ ၂၀ ဒေါ်လာဖြင့်လည်းကောင်း၊ ရေနံစိမ်းတစ်စည်လျှင် ဒေါ်လာ ၂၀ ဖြင့်လည်းကောင်း ခန့်မှန်းတွက်ချက်ထားကြောင်း သိရသည်။
၂၀၁၉-၂၀၂၀ ဘဏ္ဍာနှစ်တွင် လျှပ်စစ်ဓာတ်အားအမျိုးအစားအလိုက် စုစုပေါင်း ကီလိုဝပ်နာရီသန်းပေါင်း ၂၃၆၆၃ ဒသမ ၁၆ ထုတ်လုပ်ထားပြီး သဘာဝဓာတ်ငွေ့မှ ကီလိုဝပ်နာရီသန်းပေါင်း ၁၁၆၁၈ ဒသမ ၂၁ နှင့် ရေအားလျှပ်စစ်မှ ကီလိုဝပ်နာရီသန်းပေါင်း ၉၃၆၆ ဒသမ ၃၅ ထုတ်လုပ်ထားကြောင်း လျှပ်စစ်နှင့် စွမ်းအင်ဝန်ကြီးဌာနကို ကိုးကားပြီး ဗဟိုစာရင်းအင်းအဖွဲ့က ထုတ်ပြန်ထားကြောင်း သိရသည်။
နှစ်အလိုက် လျှပ်စစ်ဓာတ်အားအမျိုးအစားအလိုက် လျှပ်စစ်ထုတ်လုပ်မှုအနေဖြင့် ၂၀၁၈-၂၀၁၉ ဘဏ္ဍာနှစ်တွင် ရေအားမှ ကီလိုဝပ်နာရီသန်းပေါင်း ၁၁၂၂၇ ဒသမ ၈၂၊ သဘာဝဓာတ်ငွေ့မှ ကီလိုဝပ်နာရီသန်းပေါင်း ၉၃၆၆ ဒသမ ၅၆၊ ရေနွေးငွေ့မှ ကီလိုဝပ် နာရီသန်းပေါင်း ၂၁၆၉ ဒသမ ၇၀၊ ဒီဇယ်မှ ကီလိုဝပ်နာရီသန်းပေါင်း ၁၀၄ ဒသမ ၇၃ ထုတ်လုပ်ထားသည်။
၂၀၁၇-၂၀၁၈ ဘဏ္ဍာနှစ်တွင် ရေအားမှ ကီလိုဝပ်နာရီသန်းပေါင်း ၁၂၂၆၅ ဒသမ ၀၃၊ သဘာဝဓာတ်ငွေ့မှ ကီလိုဝပ်နာရီ သန်းပေါင်း ၇၄၅၉ ဒသမ ၂၂၊ ရေနွေးငွေ့မှ ကီလိုဝပ်နာရီသန်းပေါင်း ၁၀၈၀ ဒသမ ၆၀၊ ဒီဇယ်မှ ကီလိုဝပ်နာရီ သန်းပေါင်း ၇၇ ဒသမ ၅၅ ထုတ်လုပ်ထားသည်။
၂၀၁၆-၂၀၁၇ ဘဏ္ဍာနှစ်တွင် ရေအားမှ ကီလိုဝပ်နာရီသန်းပေါင်း ၁၂၂၆၅ ဒသမ ၀၃၊ သဘာဝဓာတ်ငွေ့မှ ကီလိုဝပ်နာရီ သန်းပေါင်း ၇၄၅၉ ဒသမ ၂၂၊ ရေနွေးငွေ့မှ ကီလိုဝပ်နာရီသန်းပေါင်း ၁၀၈၀ ဒသမ ၆၀၊ ဒီဇယ်မှ ကီလိုဝပ်နာရီ သန်းပေါင်း ၇၇ ဒသမ ၅၅ ထုတ်လုပ်ထားသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
