စစ်ကိုင်းမြို့နယ် အထွေထွေအုပ်ချုပ်ရေးရုံးအတွင်း တွင် သြဂုတ်လ ၁ ရက်မွန်းလွဲ ၂ နာရီကျော်ခန့်က ပေါက်ကွဲမှုဖြစ်ပွားခဲ့ပြီး မော်တော်ကားအချို့ မီးလောင်မှုဖြစ်ပွားခဲ့ကြောင်း သိရှိရသည်။
ဖြစ်စဉ်မှာ အဆိုပါ မြို့နယ်အထွေထွေအုပ်ချုပ်ရေးရုံး တည်ရှိရာ စစ်ကိုင်းမြို့ ပိုးတန်းရပ် ရုံးကြီးလမ်းပေါ်သို့ ဆိုင်ကယ်ဖြင့်လာရောက်၍ ဗုံး ၃ လုံး ပစ်ပေါက် ဖောက်ခွဲခဲ့ခြင်းဖြစ်သည်ဟုသိရှိရပြီး ၂ လုံးပေါက်ကွဲခဲ့ကာ ၁ လုံးမှာ ပေါက်ကွဲခဲ့ခြင်း မရှိကြောင်း သိရသည် ။
ပေါက်ကွဲမှုမှာ အဆိုပါရုံးအတွင်းရှိ မော်တော်ယာဉ်ထားရှိရာနေရာတွင် ဖြစ်ပွားခဲ့ခြင်းဖြစ်ပြီး ကား ၂ စီး မီးလောင်ပြာကျခဲ့သည်ဟု သွားရောက်မီးငြိှမ်းသတ်ခဲ့သည့် မီးသတ်တစ်ဦးထံမှ သိရသည် ။
" ပေါက်ကွဲသံက ၂ ကြိမ်ဆက်တိုက်ပဲ ။ ပထမအသံကတော့ အတော်လေးကျယ်တယ် ။ အဲ့လမ်းပေါ်မှာက ထွေအုပ်ရုံး စည်ပင်နဲ့ စာတိုက်ကြီးတွေရှိပြီး လမ်းပေါ်မှာ လုံခြုံရေးသံဆူးကြိုးတွေ အများကြီး ချထားတာ ကြာပြီ ။ အသံကြားလို့ ထွက်ကြည့်တော့ လမ်းတွေပိတ်ထားလို့ ပြန်လှည့်လာရတယ် "" ဟု မြို့ခံတစ်ဦးက ပြောကြားသည် ။
ယင်းသို့ ပေါက်ကွဲမှုဖြစ်စဉ်ကြောင့် ကားအချို့ မီးလောင်မှုကို မြို့နယ်အတွင်းရှိ မီးသတ်ဌာနများမှ လာရောက်ငြှိမ်းသတ်မှုပြုလုပ်ခဲ့ပြီး လူထိခိုက်ဒဏ်ရာရရှိမှု မရှိခဲ့ကြောင်း ကနဦးသတင်းများအရ စုံစမ်းသိရှိရသည် ။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
