Top News

တောင်ဒဂုံမြို့နယ် အမှတ်(၂)လမ်းမကြီးပေါ်ရှိ နတ်စင်ကားမှတ်တိုင်တွင် ပေါက်ကွဲမှု ဇူလိုင် ၃၁ ရက် နံနက် ၉ နာရီဝန်းကျင်က ဖြစ်ပွားခဲ့ပြီး ကားစောင့်နေသူ လေးဦး ဒဏ်ရာရရှိခဲ့ကြောင်းအနီးနေထိုင်သူများက ပြောကြားသည်။

တောင်ဒဂုံမြို့နယ်၊ (၁၇) ရပ်ကွက်၊ မောင်းမကန်ကမ်းသာလမ်း နှင့် အမှတ်(၂)လမ်းမကြီးလမ်းဆုံအနီး နတ်စင်ကားမှတ်တိုင်တွင် နံနက် ၉ နာရီဝန်းကျင်က ပေါက်ကွဲမှုဖြစ်ပွားခဲ့ပြီး ဘတ်စ်ကားစောင့်နေသူ အမျုးသား သုံးဦးနှင့် အမျုးသမီးတစ်ဦး ဒဏ်ရာရရှိသွားကြောင်း အနီးနေထိုင်သူများက ပြောကြားသည်။ 

'' မနက် ၉ နာရီလောက်က ပေါက်ကွဲသံကြားတယ်။ နောက်တော့မှ နတ်စင်မှတ်တိုင်မှာ ပေါက်ကွဲတာမှန်းသိတယ်။ ကားစောင့်နေတဲ့ အမျုးသားသုံးဦး နဲ့ အမျူးသမီးတစ်ဦး ဒဏ်ရာရသွားတယ်ပြောတယ်။ သူတို့ကိုတော့ဆေးရုံသို့ ပို့လိုက်တယ် ''ဟု အနီးနေထိုင်သူများက ပြောကြားသည်။

အဆိုပါပေါက်ကွဲမှုမှာ ကားမှတ်တိုင်ရှိ ခရီးသည်များထိုင်ရန်ပြုလုပ်ထားသည့် ထိုင်ခုံအောက်မှဖြစ်ပြီး ပေါက်ကွဲမှုကြောင့် အမျုးသားနှစ်ဦးတို့တွင် (စိုးရိမ်ရဒဏ်ရာများ) နှင့် အမျုးသားတစ်ဦးနှင့်အမျုးသမီးတစ်ဦးတို့မှာ(မစိုးရိမ်ရဒဏ်ရာများ) ရရှိကာ ဆေးရုံသို့ပို့ဆောင်ထားကြောင်း NOM သတင်းဌာန၏ တယ်လီဂရမ်ချန်နယ်တွင် ဖော်ပြထားမှုအရ သိရသည်။

ထို့ပြင် မေ ၃၁ ရက် ညနေ ၃ နာရီ ၂၀ မိနစ်က  ရန်ကုန်မြို့လယ်ကောင် ကျောက်တံတားမြို့နယ် ဘားလမ်းကားမှတ်တိုင်တွင် ပေါက်ကွဲမှုကြောင့် တစ်ဦးသေဆုံးပြိး ၉ ဦးဒဏ်ရာရရှိခဲ့ကြောင်း နစက ၏ ထုတ်ပြန်ချက်အရသိရသည်။