မန်စီးတီးအသင်းနည်းပြ ဂွါဒီယိုလာက မိမိတို့အနေဖြင့် ရီးယဲလ်အသင်းနှင့် ကစားမည့် ချန်ပီယံလိဂ်ရှုံးထွက် (၁၆)သင်းအဆင့် ဒုတိယအကျော့ပွဲစဉ်ကို အပြည့်အဝအာရုံစိုက်ထားကြောင်း ပြောကြားခဲ့သည်။
မန်စီးတီးအသင်းသည် ချန်ပီယံလိဂ်ရှုံးထွက်(၁၆)သင်းအဆင့် ပထမအကျော့ပွဲစဉ်တွင် ရီးယဲလ်အသင်းကို အဝေးကွင်း၌ (၂-၁)ဂိုးဖြင့် အနိုင်ရထားသဖြင့် ကွာတားဖိုင်နယ်တက်ရောက်ရန် ရေပန်းစားနေသည်။
သို့သော် ဂွါဒီယိုလာက ရီးယဲလ်အသင်းကို လျှော့တွက်ပါက ပြိုင်ပွဲမှထွက်ခွာသွားနိုင်သည်ဟု ပြောကြားခဲ့ခြင်းဖြစ်သည်။
ဂွါဒီယိုလာက "မန်စီးတီးအသင်းမှာ ရီးယဲလ်အသင်း အကြောင်းကို ကျွန်တော့်ထက် သိတဲ့သူ မရှိပါဘူး။ ရီးယဲလ်က ချန်ပီယံလိဂ်ပြိုင်ပွဲကို လွှမ်းမိုးထားတဲ့ အသင်းပါ။ ဒါကြောင့် ကျွန်တော်တို့အနေနဲ့ ရီးယဲလ်နဲ့ ကစားမယ့်ပွဲစဉ်ကို အပြည့်အဝအာရုံစိုက်ထားဖို့ လိုပါတယ်။ ရီးယဲလ်ပွဲကို ကျွန်တော်တို့ အာရုံစိုက်ထားရမှာပါ။ ချန်ပီယံလိဂ်ပြိုင်ပွဲရဲ့ ဘုရင်နဲ့ ကစားမယ့်ပွဲကို ကျော်ပြီး နောက်တစ်ဆင့်အတွက် တွေးနေမယ်ဆိုရင်တော့ သူတို့က ကျွန်တော်တို့ကို ပြိုင်ပွဲကနေ ထုတ်ပစ်ပါလိမ့်မယ်"ဟု ပြောကြားခဲ့သည်။
မန်စီးတီးအသင်းသည် ယခုရာသီ ချန်ပီယံလိဂ်ရှုံးထွက် (၁၆)သင်းအဆင့် ဒုတိယအကျော့ပွဲစဉ်အဖြစ် သြဂုတ်လ (၇)ရက်တွင် ရီးယဲလ်အသင်းကို အိမ်ကွင်း၌ လက်ခံကစားရမည်ဖြစ်သည်။
မန်စီးတီးအသင်းအနေဖြင့် ရီးယဲလ်အသင်းကို ကျော်ဖြတ်နိုင်ခဲ့မည်ဆိုပါက ကွာတားဖိုင်နယ်အဆင့်တွင် လိုင်ယွန်-ဂျူဗင်တပ်စ်ပွဲမှ အနိုင်ရသည့်အသင်းနှင့် ကစားရမည်ဖြစ်သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
