Top News

မက်ဆီမိသားစုပိုင်ဆိုင်သည့် စားသောက်ဆိုင်သည် အာဂျင်တီးနားနိုင်ငံတွင်  အိမ်ယာမဲ့များကို အစားအသောက်များ လှူဒါန်းလျက်ရှိကြောင်း စပိန်အားကစားသတင်းစာ Marca ကဖော်ပြခဲ့သည်။ 

မက်ဆီမိသားစုပိုင်ဆိုင်သည့် စားသောက်ဆိုင်သည် အာဂျင်တီးနားနိုင်ငံတွင်  အိမ်ယာမဲ့များကို အစားအသောက်များ လှူဒါန်းလျက်ရှိကြောင်း စပိန်အားကစားသတင်းစာ Marca ကဖော်ပြခဲ့သည်။ 

လက်ရှိတွင် အာဂျင်တီးနားနိုင်ငံ၌ အအေးလှိုင်းဖြတ်သန်းမှုနှင့်ကြုံတွေ့နေရပြီး အိမ်ယာမဲ့များမှာ အစားအသောက်ဒုက္ခနှင့် ရင်ဆိုင်နေရကြောင်း သိရသည်။

လက်ရှိတွင် အာဂျင်တီးနား၌ စီးပွားရေးရပ်တန့်မှုနှင့် ရင်ဆိုင်နေရသဖြင့် အိမ်ယာမဲ့များမှာ ပိုမိုများပြားလာပြီး လက်ရှိ အအေးလှိုင်းဖြတ်သန်းမှုကြောင့် သေဆုံးသူ (၅)ဦးထက်မနည်းရှိကြောင်း အာဂျင်တီးနားမီဒီယာများက ဖော်ပြခဲ့ကြသည်။

မက်ဆီ၏ မွေးရပ်မြေဖြစ်သည့် အာဂျင်တီးနားနိုင်ငံ ရိုဆာရီယိုုတွင် မက်ဆီတို့မိသားစုသည် VIP ဟုအမည်ရသည့် စားသောက်ဆိုင်တစ်ခုကို ဖွင့်လှစ်ထားပြီး ပြီးခဲ့သည့် ဇူလိုင်လ (၆)ရက်နေ့မှစကာ အိမ်ယာမဲ့များကို အစားအသောက်များ လှူဒါန်းခဲ့ကြောင်းသိရသည်။

အဆိုပါ စားသောက်ဆိုင်၏ မန်နေဂျာဖြစ်သူ အယ်လ်မာဒါက '' ကျွန်တော်တို့အနေနဲ့ အိမ်ယာမဲ့တွေကို ကော်ဖီတွေ၊ သောက်စရာတွေအပြင် ၀ိုင်တွေပါလှူဒါန်းနေပါတယ်။ အိမ်ယာမဲ့တော်တော်များများဒီမှာ အစားအသောက်တွေလာယူကြပြီး အားလုံးက လေးစားမှုအပြည့်နဲ့ ဆက်ဆံကြပါတယ်။ ကျွန်တော်တို့အနေနဲ့ အိမ်ယာမဲ့တွေကို နေ့စဉ်ည (၇)နာရီကနေ (၉)နာရီအထိ (၁၅)ရက်တိုင်တိုင် လှူဒါန်းမှုတွေပြုလုပ်သွားမှာပါ" ဟု Marca သတင်းစာသို့ ပြောကြားခဲ့သည်။