အဲဗာတန်အသင်းသည် ဂျူဗင်တပ်စ်အသင်းမှ အီတလီလူငယ်တိုက်စစ်မှူး မွိုက်စ်ကိန်းကို ပေါင် (၃၁) သန်းဖြင့် ခေါ်ယူရန် စီစဉ်နေကြောင်း ဗြိတိန်သတင်းစာ Daily Mail က ဖော်ပြခဲ့သည်။
အဲဗာတန်အသင်းသည် ဂျူဗင်တပ်စ်အသင်းမှ အီတလီလူငယ်တိုက်စစ်မှူး မွိုက်စ်ကိန်းကို ပေါင် (၃၁) သန်းဖြင့် ခေါ်ယူရန် စီစဉ်နေကြောင်း ဗြိတိန်သတင်းစာ Daily Mail က ဖော်ပြခဲ့သည်။
အဲဗာတန်အသင်းသည် ၂၀၁၇ ခုနှစ်က အသင်းတိုက်စစ်မှူး လူကာကူကို မန်အသင်းထံသို့ ရောင်းချခဲ့ပြီးနောက် ၎င်းနေရာတွင် အစားထိုးရန် တိုက်စစ်မှူးသစ်ရှာဖွေနေခဲ့ခြင်းဖြစ်ပြီး ယခုအခါ မွိုက်စ်ကိန်းကို ခေါ်ယူရန် စီစဉ်နေခြင်းဖြစ်ကြောင်း သိရသည်။
သို့သော် ဂျူဗင်တပ်စ်အသင်းသည် အသက် (၁၉) နှစ်အရွယ်ရှိ မွိုက်စ်ကိန်းအတွက် ပေါင် (၃၁) သန်းအထိ အလိုရှိနေသလို၊ ပြန်လည်ဝယ်ယူခွင့်ရှိသည်ဆိုသောအချက်ဖြင့်သာ ရောင်းချရန် ဆန္ဒရှိနေကြောင်း သိရသည်။
မွိုက်စ်ကိန်းသည် ပရော်ဖက်ရှင်နယ်ကစားသမားဘဝကို ၂၀၁၆-၁၇ ရာသီက ဂျူဗင်တပ်စ်အသင်းနှင့်အတူ စတင်ခဲ့ပြီး ပြီးခဲ့သည့် ၂၀၁၈-၁၉ ရာသီက ဂျူဗင်တပ်စ်အသင်းအတွက် ပြိုင်ပွဲစုံ (၁၇) ပွဲတွင် (၇) ဂိုးသွင်းယူပေးခဲ့ကာ နာမည်ရလာသူ ဖြစ်သည်။
အဲဗာတန်အသင်းသည် ယခုနွေရာသီအပြောင်းအရွှေ့တွင် ပြီးခဲ့သည့်ရာသီက ဘာစီလိုနာအသင်းမှ အငှားလာရောက်ကစားခဲ့သည့် ဘာစီလိုနာကွင်းလယ်လူ အန်ဒရေဂိုးမက်စ်နှင့် ဟတ်ဒါဖီးလ်အသင်းဂိုးသမား လိုဆယ်လ်တို့ကို ခေါ်ယူထားပြီး ကစားသမားသစ်များ ထပ်မံခေါ်ယူနိုင်ရန် စီစဉ်နေခြင်းဖြစ်သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
