Top News

နိုင်ငံအတွင်း မန္တလေးမြို့တွင် ပထမဆုံးတပ်ဆင်အသုံးပြုသည့် SCAT မီးပွိုင့် (၆၅)ခုထိ ရှိလာပြီဖြစ်ကြောင်း မန္တလေးမြို့တော်စည်ပင်သာယာရေးကော်မတီမှ သိရသည်။

အဆိုပါ မီးပွိုင့်စနစ်ကို နိုင်ငံပေါင်း (၁၆၈)နိုင်ငံတွင်အသုံးပြုနေပြီး မြန်မာနိုင်ငံ၌ မန္တလေးမြို့တွင် ၂၀၁၅ -၂၀၁၆ ဘဏ္ဍာနှစ်ကစတင်ကာ ပထမဦးဆုံး အသုံးပြုခဲ့ခြင်းဖြစ်ကြောင်း သိရသည်။

မန္တလေးမြို့ရှိ အဓိကလမ်းဆုံကြီးများ၊ ယာဉ်ကြောကျပ်တည်းသည့် သိပ္ပံလမ်း၊ ၁၇၈ လမ်း၊ လမ်း (၃၀)၊ ၃၅ လမ်း၊ ၂၆ လမ်း တလျှောက်၌ ယာဉ်ကြောကျပ်တည်းမှုများလျော့ကျခဲ့ကြောင်း သိရသည်။

မန္တလေးမြို့တော်စည်ပင်သာယာရေး ကော်မတီသည် မြို့တော်အတွင်း ယာဉ်အန္တရာယ်ကင်းရှင်းစေရန်နှင့်ယာဉ်ကြော ကျပ်တည်းသောလမ်းများတွင် မီးပွိုင့်ပေါင်း (၁၂၂) ခုတပ်ဆင်ထားကြောင်း သိရသည်။

ယင်းတွင် ဆိုလာစနစ်သုံးမီးပွိုင့်များလည်း ပါဝင်သလို ယခု ၂၀၂၄-၂၀၂၅ ဘဏ္ဍာနှစ်တွင်လည်း ရိုးရိုး LED မီးပွိုင့်အသစ်(၆)ခုကို ထပ်မံတိုးချဲ့တပ်ဆင်နေကြောင်း သိရသည်။

မန္တလေးမြို့တော်တွင် ယာဉ်အန္တရာယ်ကင်းရှင်းရေး၊ ယာဉ်ကြောကျပ်တည်းမှု လျှော့ချနိုင်ရေးအတွက် SCATS အမျိုးအစားမီးပွိုင့် (၆၅) ခု၊ Individual Loop Sensor မီးပွိုင့် (၂၅) ခု၊ ရိုးရိုး Timer သုံး LED မီးပွိုင့် (၃၂ ခု) စုစုပေါင်း (၁၂ ၂) ခု တပ်ဆင်အသုံးပြုလျက်ရှိသည့်အပြင် မီးပွိုင့်များနှင့် လိုအပ်သောနေရာများ၌ CCTV များတပ်ဆင်ကာ ယာဉ်အသွားအလာများကို မှတ်တမ်းတင်ခြင်းတို့ ဆောင်ရွက်လျက်ရှိကြောင်း သိရသည်။