ရှမ်းပြည်နယ်(မြောက်ပိုင်း) လားရှိုး-မူဆယ် ပြည်ထောင်စု ကားလမ်းမကြီးပေါ် လားရှိုးမြို့မှ သိန္နီမြို့အထွက် (၁၂) မိုင်ကုန်းတွင် ဒီဇင်ဘာ ၁၉ ရက် နံနက် ၅ နာရီက နွားများတင်ဆောင်လာသည့် ယာဉ်တစ်စီးက ရပ်တန့်ထားသော ၂၂ ဘီး တွဲကားယာဉ်အား တိုက်မိမှု ဖြစ်ပွားခဲ့ကြောင်း သတင်းရရှိသည်။
မူဆယ်ဘက်သို့ ဦးတည်မောင်းနှင်သွားသည့် နွားများတင်ဆောင်လာသည့်ယာဉ်မှာ (၁၂) မိုင်ကုန်း အတက်တွင် အရှိန်မရဘဲ နောက်ပြန်ဆုတ်ကာ နောက်ဘက်ရှိ ကားလမ်းမကြီးဘေးတွင် ရပ်တန့်ကာ နားနေသည့် ၂၂ ဘီးတွဲကားယာဉ်ကို တိုက်မိကာ တိမ်းမှောက်ခဲ့ကြောင်း သိရသည်။
“မူဆယ်ဘက်ကိုသွားမယ့် နွားကားက ၁၂ မိုင်ကုန်းမှာ နောက်ပြန်ဆုတ်ပြီး လမ်း ဘေးမှာရပ်ပြီးနားနေတဲ့ ၂၂ ဘီးတွဲကားကို နောက်ပြန်တိုက်မိတာပါ။ တွဲကားပေါ်က ယာဉ်မောင်းသေဆုံးတယ်။ ယာဉ်နောက် လိုက်ကတော့ နောက်မှာ အိပ်တာဆိုတော့ ဘာမှမဖြစ်ဘူး” ဟု လားရှိုးယာဉ်ထိန်းရဲတပ် ဖွဲ့မှ တာဝန်ရှိသူ တစ်ဦးက ဆိုသည်။
“ကျွန်တော်တို့ ယာဉ်တိုက်တဲ့နေရာကို ရောက်သွားပြီး လူနာတွေကိုသွားသယ်ပြီး လားရှိုး ပြည်သူ့ဆေးရုံကြီးကို ပို့ဆောင်ပေးခဲ့ ပါတယ်။ နွားကားပေါ်မှာပါတဲ့ ခြောက်ယောက်က ဒဏ်ရာတွေရတယ်။ ၂၂ ဘီးတွဲ ကားပေါ်က ယာဉ်မောင်းကတော့ ယာဉ်တိုက်မှုကြောင့် ကားရှေ့ခေါင်းခန်းမှာညှပ်ပြီးသေဆုံးသွားတယ်။ ၂၂ ဘီးကား ယာဉ်မောင်းက လမ်းဘေးချရပ်ပြီး ရှေ့ခန်းမှာ အိပ်နေတာလို့ ပြောတယ်။ ၂၂ဘီးကားပေါ်က ယာဉ်နောက်လိုက်ကတော့ ထိခိုက်ဒဏ်ရာရရှိမှု မရှိပါဘူး” ဟု လားရှိုးလူငယ်များ လူမှုကူညီရေးအသင်းမှ စိုင်းဝသုန်က ပြောကြားသည်။
အဆိုပါ ယာဉ်တိုက်မှုကြောင့် ရပ်တန့်ထားသည့် ၂၂ ဘီးတွဲကားပေါ်မှ ယာဉ်မောင်းဖြစ်သူ သေဆုံးခဲ့ပြီး နွားတင်ယာဉ်ပေါ်ပါသူ ခြောက်ဦး ဒဏ်ရာရရှိခဲ့ပြီး နွားနှစ်ကောင် သေဆုံးခဲ့ကြောင်း သိရသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
