သီရိလင်္ကာအသင်းအကြောင်းကို သေချာလေ့လာထားပြီး ရလဒ်ကောင်းများရရှိမည်ကိုယုံကြည်သည်ဟု မြန်မာ့လက်ရွေးစင်အသင်းခေါင်းဆောင် မောင်မောင်လွင်ကပြောသည်။
ယနေ့ အောက်တိုဘာ ၉ ရက်နေ့လည်ပိုင်းက သုဝဏ္ဏဘောလုံးကွင်း၌ကျင်းပသည့် မြန်မာ့လက်ရွေးစင်ဘောလုံးအသင်းနှင့် သီရိလင်္ကာဘောလုံးအသင်းတို့ယှဉ်ပြိုင်ကစားမည့် နိုင်ငံတကာခြေစမ်းပွဲနှစ်ပွဲအတွက် ပွဲကြိုသတင်းစာရှင်းလင်းပွဲတွင် ပြောကြားခဲ့ခြင်းဖြစ်သည်။
“ကျွန်တော်တို့အနေနဲ့ သီရိလင်္ကာအသင်းအကြောင်းကို သေချာလေ့လာထားပါတယ်။ သူတို့အသင်းမှာ ဘယ်လိုကစားသမားတွေပါဝင်တယ် ဆိုတာကိုလဲ သေချာသိပါတယ်။ လေ့ကျင့်ရေးကွင်းမှာလဲ နည်းပြတွေနဲ့ကစားသမားတွေအား လုံးက ချစ်ချစ်ခင်ခင်စည်းစည်းလုံးလုံးရှိနေကြတာကြောင့် အခုလာမယ့် ခြေစမ်းပွဲနှစ်ပွဲအပါအဝင် နောက်ပွဲစဉ်တွေမှာပါ ရလဒ်ကောင်းတွေရရှိနိုင်မယ်လို့ယုံကြည်ပါတယ်”ဟု မောင်မောင်လွင်ကပြောသည်။
ထို့ပြင် မြန်မာ့လက်ရွေးစင်အသင်းနည်းပြချုပ်ဦးမျိုးလှိုင်ဝင်းမှလည်း မြန်မာ့လက်ရွေးစင်အသင်းအနေဖြင့် လာမည့် ခြေစမ်းပွဲနှစ်ပွဲအတွက် အဆင်သင့်ဖြစ်နေပြီး သီရိလင်္ကာအသင်းသည် ယခင်လိုမဟုတ်ဘဲ တိုးတက်ပြောင်းလဲလာသည့်အသင်းဖြစ်သည်ဟု ပြောသည်။
” သူတို့ရဲ့ ကစားပုံ၊ နည်းစနစ်တွေကို ကျွန်တော်တို့သေချာလေ့လာသုံးသပ်ထားပါတယ်။ ဒီခြေစမ်းပွဲနှစ်ပွဲမှာ ပြိုင်ဘက်အသင်းကို လေးလေးစားစားနဲ့ယှဉ်ပြိုင်ပြီး ရလဒ်ကောင်းရရှိအောင် ကြိုးစားသွားပါမယ်”ဟု နည်းပြချုပ်ဦးမျိုးလှိုင်ဝင်းက ပြောသည်။
ထို့အတူ သီရိလင်္ကာဘောလုံးအသင်းနည်းပြချုပ်မှ မိမိတို့အသင်းအနေဖြင့် ဘယ်အဆင့်လောက်အထိကစားနိုင်မလဲဆိုခြင်းကိုသိရှိလို၍ လာရောက်ယှဉ်ပြိုင်ခြင်းဖြစ်ပြီး မြန်မာ့လက်ရွေးစင်အသင်းနှင့်ယှဉ်ပြိုင်ကစားမည့် ခြေစမ်းပွဲနှစ်ပွဲအတွက်ကို အကောင်းဆုံးပြင်ဆင်ထားသည်ဟု ပြောကြားခဲ့သည်။
မြန်မာ့လက်ရွေးစင်ဘောလုံးအသင်းနှင့် သီရိလင်္ကာဘောလုံးအသင်းတို့သည် မနက်ဖြန် အောက်တိုဘာ ၁၀ ရက်နှင့် ၁၃ ရက်တို့၌ ရန်ကုန်မြို့ရှိ သုဝဏ္ဏဘောလုံးကွင်း၌ ခြေစမ်းပွဲနှစ်ပွဲယှဉ်ပြိုင်ကစားသွားမည်ဖြစ်ကြောင်း သိရသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
