လီဗာပူးလ်နည်းပြ ကလော့ပ်က ချယ်လ်ဆီးအသင်းကို ရှုံးနိမ့်သည့်ပွဲတွင် အသင်းတိုက်စစ်မှူး ဆာလာအား လူစားလဲခြင်းကို ကာကွယ်ပြောကြားခဲ့သည်။
လီဗာပူးလ်အသင်းသည် မတ်လ (၄)ရက်က ကစားခဲ့သည့် ပရီးမီးယားလိဂ်ပွဲစဉ်တွင် ချယ်လ်ဆီးအသင်းကို အိမ်ကွင်း အန်ဖီးလ်၌ (၀-၁)ဂိုးဖြင့် ရှုံးနိမ့်ခဲ့သည်။
အဆိုပါပွဲစဉ်၏ ပွဲချိန် (၆၂)မိနစ်တွင် လီဗာပူးလ်နည်းပြ ကလော့ပ်သည် အသင်းတိုက်စစ်မှူး ဆာလာကို ဂျိုတာနှင့် လူစားလဲခဲ့ပြီး ၎င်း၏ဆုံးဖြတ်ချက်အပေါ် ဝေဖန်မှုများ ရှိခဲ့သည်။
သို့သော် ကလော့ပ်က ဆာလာအနေဖြင့် ဖိအားများနေပုံရသည့်အတွက် ဂျိုတာနှင့် လူစားလဲခြင်းဖြစ်ကြောင်း ပွဲအပြီးတွင် ကာကွယ်ပြောကြားခဲ့သည်။
ကလော့ပ်က "ဆာလာဟာ ချယ်လ်ဆီးနဲ့ပွဲမှာ ဖိအားများနေပုံရပြီး ကျွန်တော့်အနေနဲ့ မစွန့်စားချင်တာကြောင့် လူစားလဲခဲ့တာပါ။ အားလုံးအဆင်ပြေပါတယ်။ ကျွန်တော့်အနေနဲ့ ဆာလာကို လူစားလဲတာ ကောင်းမယ်ထင်လို့ လုပ်ခဲ့တာပါ။ ဆာလာဟာ ပွဲတွေအများကြီး ကစားထားရပြီး ချယ်လ်ဆီးနဲ့ပွဲမှာ မောပန်းနေပုံရပါတယ်"ဟု ပြောကြားခဲ့သည်။
လီဗာပူးလ်အသင်းသည် ချယ်လ်ဆီးအသင်းကို ရှုံးနိမ့်ခြင်းနောက် အန်ဖီးလ်ကွင်းတွင် ကစားသည့် ပရီးမီးယားလိဂ်နောက်ဆုံး (၅)ပွဲဆက် ရှုံးနိမ့်ခဲ့ပြီး ယင်းမှာ အသင်းသမိုင်းတစ်လျှောက် ပထမဆုံးအကြိမ်ဖြစ်ကြောင်း သိရသည်။
ချယ်လ်ဆီးအသင်းကို ရှုံးနိမ့်ခဲ့ခြင်းမှာ မိမိတို့အသင်းအတွက် ကြီးမားသည့်ထိုးနှက်ချက်ဖြစ်ကြောင်းလည်း ပွဲအပြီးတွင် ကလော့ပ်က ပြောကြားခဲ့သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
