နာမည်ကျော် ဘရာဇီးလ်ဘောလုံးသမားဟောင်း ရော်နယ်လ်ဒင်ဟိုသည် အမေရိကန်တတိယတန်းကလပ် Greenville Trimph SC အသင်း ကို ၎င်း၏ မိတ်ဆွေများနှင့်အတူ ဝယ် ယူခဲ့ကြောင်း သိရသည်။
Greenville အသင်းသည် အမျိုးသားရော အမျိုးသမီးအသင်းပါ ဖွဲ့စည်းထားသည့်အသင်းဖြစ်ပြီး Greenville Trimph SC ဟု အမည်ရသည့် အမျိုးသားအသင်းက USL League One တွင် ယှဉ်ပြိုင်ကစားနေပြီး Greenville Liberty ဟု အမည်ရသည့် အမျိုးသမီးအသင်းက USL အမျိုးသမီးလိဂ်ပြိုင်ပွဲတွင် ယှဉ်ပြိုင်ကစားနေကြောင်း သိရသည်။
အမေရိကန်နိုင်ငံသည် လာမည့် ၂၀၂၆ ကမ္ဘာ့ဖလားပြိုင်ပွဲကို ပူးတွဲအိမ်ရှင်အဖြစ် လက်ခံကျင်းပမည့်နိုင်ငံဖြစ်ပြီး ဘောလုံးနှင့်ပတ်သက်၍ တိုးတက်ဖွံ့ဖြိုးမှုများ ရှိနေသည့်အတွက် ရော်နယ်လ်ဒင်ဟိုနှင့် ၎င်း၏ မိတ်ဆွေများက ရင်းနှီးမြှုပ်နှံမှုပြုလုပ်ရန် ဆုံးဖြတ်ခဲ့ခြင်းဖြစ်ကြောင်း သိရသည်။
ရော်နယ်လ်ဒင်ဟိုနှင့် ညီအစ်ကိုတော်စပ်ပြီး စီးပွားရေးဆိုင်ရာကိစ္စများကို ပူးပေါင်းဆောင်ရွက်နေသည့် ရောဘတ်တိုအစစ်က "Greenville အသင်းရဲ့ ကြိုဆိုမှုက နွေးထွေးပျူငှာပါတယ်။ သူတို့က လာမယ့် ကမ္ဘာ့ဖလားပြိုင်ပွဲမှာ သော့ချက်မြို့ဖြစ်လာမယ့် အတ္တလန္တာနဲ့လည်း ကပ်လျက်ရှိနေပါတယ်။ အမေရိကန်နိုင်ငံမှာ အားကစားနဲ့ ပတ်သက်ပြီး ဖွံ့ဖြိုးတိုးတက်လာမယ့် နေရာတစ်ခုပါ"ဟု ပြောကြားခဲ့သည်။
Greenville Trimph SC အသင်းသည် USL League One တွင် အဆင့်(၄)နေရာသို့ ရောက်ရှိနေပြီး အမျိုးသမီးအသင်းမှာ ရာသီမ စသေးကြောင်း သိရသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
