ကမ္ဘာ့ကုန်သွယ်ရေးအလားအလာ ပိုမိုဆိုးရွားမှုကြောင့် ၂၀၁၉ ခုနှစ်အတွက် ရေနံဝယ်လိုအားသည် တိုးတက်မှုနှေးကွေးနိုင်ကြောင်း အပြည်ပြည်ဆိုင်ရာ စွမ်းအင်အေဂျင်စီ IEA က ဇွန် ၁၄ ရက်တွင် ခန့်မှန်းခဲ့သည်။ စီးပွားရေးတွန်းအားပေး အစီအစဉ်များနှင့် ဖွံ့ဖြိုးဆဲနိုင်ငံများ၌ စီးပွားရေး တိုးတက်မှုကြောင့် ၂၀၂၀ ပြည့်နှစ်တွင် ရေနံဝယ်လိုအား မြင့်တက်လာနိုင်ကြောင်းလည်း IEA က ခန့်မှန်းခဲ့သည်။
ပါရီအခြေစိုက် IEA က ၂၀၁၉ ခုနှစ်အတွက် ရေနံဝယ်လိုအား တိုးတက်မှုသည် တစ်ရက်လျှင် စည် ၁.၂ သန်းသာ ရှိနိုင်ကြောင်းနှင့် ၂၀၂၀ ပြည့်နှစ်တွင် တစ်ရက် စည် ၁.၄ သန်းထိ ပြန်လည်မြင့်တက်လာနိုင်ကြောင်း ခန့်မှန်းခဲ့သည်။
အိုပက်အဖွဲ့ဝင်မဟုတ်သော နိုင်ငံများက ရေနံထုတ်လုပ်မှု မြင့်မားနေပြီး ဝယ်လိုအားက နှေးကွေးနေသောကြောင့် ရေနံဝယ်လိုအားသည် ကမ္ဘာ့တစ်ဝန်းတွင် ကျဆင်းနေပြီဖြစ်ကြောင်း IEA က ပြောကြားခဲ့သည်။
အမေရိကန်ကုန်သွယ်ရေးစစ်ပွဲက ရေနံဝယ်လိုအားကို သက်ရောက်ခဲ့ပြီး လွန်ခဲ့သော ဆယ်စုနှစ် ကမ္ဘာ့ဘဏ္ဍာရေး အကျပ်အတည်းနောက်ပိုင်း ကမ္ဘာ့ကုန်သွယ်ရေး တိုးတက်မှုသည် အဆိုးဆုံးဖြစ်နေကြောင်း IEA က ပြောကြားခဲ့သည်။
ယခုနှစ် ပထမသုံးလပတ်တွင် ကမ္ဘာ့ရေနံဝယ်လိုအားသည် တစ်ရက်လျှင် စည်သုံးသိန်းခန့်သာ မြင့်တက်ခဲ့ပြီး ရှစ်နှစ်နီးပါးအတွင်း အနိမ့်ဆုံး သုံးလပတ်တိုးတက်နှုန်း ဖြစ်ခဲ့သည်။
အိုပက်နှင့် မိတ်ဖက်နိုင်ငံများမှ ဝန်ကြီးများသည် ထုတ်လုပ်မှု ထိန်းချုပ်ရေးနှင့် ပတ်သက်ပြီး ဆွေးနွေးရန်အတွက် ယခုလနှောင်းပိုင်းတွင် တွေ့ဆုံရန် ပြင်ဆင်နေချိန်တွင် ယခုခန့်မှန်းချက်များ ထွက်ပေါ်ခဲ့ခြင်းဖြစ်သည်။ ရေနံစျေးကွက်တွင် စျေးနှုန်းခိုင်မာမှုသည် ခဏတာသာဖြစ်နိုင်ကြောင်း၊ အိုပက်နှင့် မိတ်ဖက်နိုင်ငံများသည် စျေးနှုန်းမြင့်တင်ရန်အတွက် ထုတ်လုပ်မှုလျှော့ချရန် စဉ်စားရနိုင်ကြောင်း IEA က ပြောကြားခဲ့သည်။
အိုမန်ပင်လယ်ကွေ့တွင် ရေနံတင်သင်္ဘောနှစ်စင်းကို တိုက်ခိုက်မှု ဖြစ်ပွားပြီး နောက်တစ်ရက်အကြာတွင် IEA ၏ လစဉ် အစီရင်ခံစာ ထွက်ပေါ်ခဲ့ခြင်းဖြစ်သည်။ ကမ္ဘာ့ရေနံတင်ပို့မှု၏ ၄၀ ရာခိုင်နှုန်းနီပါး ဖြတ်သန်းနေသော ဟော်မုဇ်ရေလက်ကြားအနီး ပဋိပက္ခကြောင့် စျေးကွက်ကို ကမောက်ကမ ဖြစ်စေနိုင်သည်။ အီရန်၏ နျူကလီးယားစီမံကိန်းနှင့် ပတ်သက်ပြီး အမေရိကန်က ပိတ်ဆို့အရေးယူမှု မြှင့်တင်ခဲ့သောကြောင့် အမေရိကန်နှင့် အီရန်အကြား တင်းမာမှု မြင့်တက်နေချိန်တွင် အိုမန်ပင်လယ်ကွေ့တွင် တိုက်ခိုက်မှု ဖြစ်ပွားခဲ့ခြင်းဖြစ်သည်။
အီရန်သည် မေလက တစ်ရက်လျှင် ရေနံစည် ၂.၄ သန်း ထုတ်လုပ်ခဲ့ပြီး ထုတ်လုပ်မှု စည် ၂၁၀၀၀၀ ခန့် ကျဆင်းသွားခဲ့ခြင်း ဖြစ်သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
