ရန်ကုန်မြို့ရှိ ဆန္ဒပြပွဲတစ်ခုတွင် မှတ်တမ်းရိုက်ကူးနေစဉ် ဖမ်းဆီးခံရသည့် ဂျပန်နိုင်ငံသားကို လဝက ဥပဒေ၊ ၅၀၅ (က) တို့ဖြင့် အမှုဖွင့်ထားကြောင်း နိုင်ငံတော်စီမံအုပ်ချုပ်ရေးကောင်စီ သတင်းထုတ်ပြန်ရေးအဖွဲ့က သတင်းထုတ်ပြန်သည်။
ပုဒ်မနှစ်ခုဖြင့် အမှုဖွင့်ခံရသူမှာ ဂျပန်နိုင်ငံသား Totu Kubota ဆိုသူဖြစ်ပြီး ၄င်းသည် ဇူလိုင် ၁ ရက်က တိုးရစ်ဗီဇာဖြင့် ထိုင်းနိုင်ငံမှ တစ်ဆင့်မြန်မာနိုင်ငံသို့ ဝင်ရောက်လာသူဖြစ်ကြောင်း ထုတ်ပြန်ချက်တွင် ဖော်ပြထားသည်။
၄င်းသည် ဇူလိုင် ၃၀ ရက် ညနေပိုင်းတွင် ဒဂုံမြို့သစ်တောင်ပိုင်း City Mark အနီး လူ ၁၀ ဦးမှ ၁၅ ဦးအထိပါဝင်သည့် ဆန္ဒပြမှုအား ဖုန်း/ကင်မရာများဖြင့် မှတ်တမ်းတင်နေစဉ် ထိန်းသိမ်းခံခဲ့ရကြောင်း၊ ဇူလိုင် ၂၉ ရက်တွင် ဆန္ဒပြမှုတွင် ပါဝင်သူများဖြင့် ဆက်သွယ်ပြီး ဆန္ဒပြမည့်နေရာအား ချိန်းဆိုခဲ့သည်ဟု ထွက်ဆိုခဲ့ကြောင်း ထုတ်ပြန်ချက်တွင် ဖော်ပြထားသည်။
ဂျပန်နိုင်ငံသား Totu Kubota အား လဝက ဥပဒေ ၁၃ (၁)၊ ဗီဇာစည်းကမ်းဖောက်ဖျက်မှုနှင့် နိုင်ငံတော်အကြည်ညိုပျက်စေမှုပုဒ်မ ၅၀၅ (က) ဖြင့် တရားစွဲဆိုထားကြောင်း နိုင်ငံတော်စီမံအုပ်ချုပ်ရေး ကောင်စီ သတင်းထုတ်ပြန်ရေးအဖွဲ့က သတင်းထုတ်ပြန်သည်။
အဆိုပါဂျပန်နိုင်ငံသားနှင့်အတူ ဆန္ဒပြသူအချို့လည်း ဖမ်းဆီးထိန်းသိမ်းခံခဲ့ရပြီး ၄င်းတို့နှင့် ပတ်သက်ပြီး သတင်းထုတ်ပြန်ခြင်းမရှိသေးပေ။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
