မန်စီးတီးနည်းပြ ဂွါဒီယိုလာက ကလပ် ကမ္ဘာ့ဖလားဗိုလ်လုပွဲတွင် ရင်ဆိုင်ရမည့် ဖလူမင်နန်ဆီအသင်းသည် (၂၀)ရာစုမှ ဘရာဇီးလ် လက်ရွေးစင်အသင်း၏ ကစားပုံနှင့် တူညီသည်ဟု သုံးသပ်ပြောကြားခဲ့သည်။
မန်စီးတီးအသင်းသည် ကလပ်ကမ္ဘာ့ဖလားပြိုင်ပွဲကို ပထမဆုံးအကြိမ် ယှဉ်ပြိုင်ခွင့်ရရှိခြင်းဖြစ်သော်လည်း ဗိုလ်စွဲရန် ဖလူမင်နန် ဆီအသင်းထက် အပြတ်အသတ်ရေပန်းစားနေသည်။
သို့သော် ဂွါဒီယိုလာက ဗိုလ်လုပွဲ၌ ဖလူမင်နန်ဆီအသင်းကို အနိုင်ရရှိရန် အလွန်ခက်ခဲ လိမ့်မည်ဟုလည်း ပြောကြားခဲ့သည်။
"သူတို့ ကစားတဲ့ပုံစံက ကျွန်တော် ဘယ်တုန်းကမှ ရင်မဆိုင်ခဲ့ဖူးတဲ့ပုံစံမျိုးပါ။ ကျွန်တော် ဒါကို သဘောကျပါတယ်။ သူတို့ကို ရင်ဆိုင်ဖို့ ပြင်ဆင်ရမှာကိုလည်း သဘောကျပါတယ်။ သူတို့ ကစားတဲ့ပုံစံက ဘရာဇီးလ်စတိုင်စစ်စစ်ပါပဲ။ ၁၉၇၀၊ ၁၉၈၀ နဲ့ ၁၉၉၀ အစောပိုင်းကာလတွေက ပုံစံ မျိုးပါ။ အမေရိကန်မှာ ကမ္ဘာ့ဖလားချန်ပီယံဆု ရရှိခဲ့တဲ့ ၁၉၉၄ ကမ္ဘာ့ဖလားတုန်းက ပုံစံမျိုးဆိုပါ တော့။ ကျွန်တော်တို့အနေနဲ့ တတ်နိုင်သလောက် အကောင်းဆုံးစွမ်းဆောင်ရည်ပြသနိုင်အောင် လုပ်ဆောင်နိုင်ဖို့ လိုပါတယ်။ ဒီလိုမှမဟုတ်ရင် ဗိုလ်လုပွဲမှာ အနိုင်ရဖို့ အရမ်းခက်ခဲသွားပါလိမ့်မယ်"ဟု ဂွါဒီယိုလာက ပြောကြားခဲ့သည်။
ဖလူမင်နန်ဆီအသင်းမှာလည်း ကလပ်ကမ္ဘာ့ဖလားပြိုင်ပွဲကို ပထမဆုံးယှဉ်ပြိုင်ဖူးခြင်းဖြစ်၍ ချန်ပီယံအသင်းသစ် ထွက်ပေါ်လာမည်ဖြစ်သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
