ကယားပြည်နယ်အတွင်း ဒေသတွင်း လုံခြုံရေးအခြေအနေများအရ တက္ကသိုလ်၊ ကောလိပ်၊ သိပ္ပံကျောင်းများကို ယာယီပိတ်ထားခဲ့ရာမှ လွိုင်ကော် ပညာရေးဒီဂရီကောလိပ်ကို ပြန်လည် ဖွင့်လှစ်ခဲ့ကြောင်း နိုင်ငံပိုင်သတင်းစာမှ သိရသည်။
ပြန်လည်ဖွင့်လှစ်ခဲ့သည့် လွိုင်ကော် ပညာရေးဒီဂရီကောလိပ် B.Ed ပညာရေးဘွဲ့ စာပေးစာယူ သင်တန်း(၄/၂၀၂၃) ဒုတိယနှစ် ဖွင့်ပွဲကို အောက်တိုဘာ (၁၅)ရက်က ပြုလုပ်ခဲ့ပြီး ပြည်နယ်ဝန်ကြီးချုပ်လည်း တက်ရောက်ခဲ့သည်။
ပြည်နယ်အစိုးရအဖွဲ့အနေဖြင့် ကျောင်းသား ကျောင်းသူများ စိတ်အေးချမ်းသာစွာဖြင့် ပညာသင်ကြားနိုင်ရန် လုံခြုံရေး၊ သန့်ရှင်းရေး၊ နေထိုင်ရေး၊ စားသောက်ရေးနှင့် အခြားသောအုပ်ချုပ်မှုဆိုင်ရာကိစ္စများကို စီမံဆောင်ရွက်ပေးထားကာ ယခုပြန်လည် ဖွင့်လှစ်သည့် ကျောင်းသည် ပထမဦးဆုံးဖြစ်၍ ဝမ်းမြောက်ဂုဏ်ယူကြောင်း ပြည်နယ်ဝန်ကြီးချုပ်က အခမ်းအနားတွင် ပြောကြားခဲ့သည်။
ကယားပြည်နယ် အစိုးရအဖွဲ့အနေဖြင့် ကျောင်းဖွင့်ရာသီအမီ ကျောင်းများပြန်လည်ဖွင့်လှစ်နိုင်ရေး ဆောင်ရွက်ခဲ့ရာ ယနေ့ဖွင့်လှစ်သော လွိုင်ကော်ပညာရေးဒီဂရီကောလိပ်ကျောင်းသည် ပထမဆုံး ဖြစ်ပြီး လာမည့်နိုဝင်ဘာလတွင် နည်းပညာတက္ကသိုလ်(လွိုင်ကော်)၊ ကွန်ပျူတာတက္ကသိုလ် (လွိုင်ကော်)နှင့် အစိုးရ စက်မှုလက်မှု သိပ္ပံ ကျောင်းများ ဖွင့်လှစ်သွားနိုင်ရေး လိုအပ်သည်များကို ပံ့ပိုးကူညီ စီမံထားပေးပြီးဖြစ်ကြောင်းလည်း သိရသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
