နေပြည်တော်၊ ဒက္ခိဏသီရိမဲရုံအမှတ်(၁) တွင် မဲရုံသက်သေခံလက်မှတ် မိတ္တူဖြင့် မဲလာရောက်ပေးမှုကြောင့် အငြင်းပွားမှုဖြစ်ပေါ်ခဲ့ပြီး စေ့စပ်ညှိနှိုင်းမှုများပြုလုပ်ကာ ပြေလည်မှုရရှိခဲ့ကြောင်း သိရသည်။
ယနေ့(နိုဝင်ဘာ ၈ ရက်) နံနက် ၇ နာရီအချိန်က ဒက္ခိဏသီရိ မြို့နယ် မဲရုံအမှတ်(၁)တွင် ဆန္ဒမဲ လာရောက်ပေးသည့် အမျိုးသမီတစ်ဦးသည် မဲရုံသက်သေခံလက်မှတ် မိတ္တူဖြင့် မဲရုံအတွင်းသို့ မဲလာရောက်ပေး သည့်အတွက် NLD မဲရုံကိုယ်စားလှယ်တစ်ဦးက ကန့်ကွက်ခဲ့ပြီး အဆိုပါအမျိုးသမီးနောက်သို့ လိုက်ကာ မဲရုံးပြင်ပရှိ မဲလက်မှတ်မိတ္တူထုတ်ပေးသူများအား ဓာတ်ပုံရိုက်ခဲ့သည့်အတွက် ရုန်းရင်းဆန်ခတ်ဖြစ် ခဲ့ကြောင်းသိရသည်။
“ကောင်မလေးတစ်ယောက်က ထောက်ခံစာယူလာတယ်။ ကော်မရှင်ဥက္ကဋ္ဌက အတုလို့ပြောတယ်။ အဲကလေးမလေး နောက်ကလိုက်သွားတယ်။ မဲရုံအပြင်မှာထိုင်ပြီး မဲစလစ်တွေပေးနေတာ။ ကျွန်တော် အဲဒါကိုဓာတ်ပုံရိုက်တယ်။ပြည်ခိုင်ဖြိုး ပါတီစောင့်ကြည့်ကိုယ်စားလှယ်က လာဆွဲတယ်။ သူတို့အားလုံးက ဝိုင်းလာပြီးတော့ ကျွန်တော့်ကိုဝိုင်းဆဲကြတယ်။ မဲရုံသက်သေခံလက်မှတ်ကို မိတ္တူဆွဲထား တာ။ အဲလိုအတုတွေကို ဝေနေတာကျွန်တော်တွေ့ရတယ်” ဟု NLD ပါတီ မဲရုံကိုယ်စားလှယ် ဦးကျော်လွင်ကပြောသည်။
ယင်းသို့ မဲရုံသက်သေခံလက်မှတ်မိတ္တူဖြင့် မဲ လာရောက်ပေးခဲ့သော်လည်း မဲဆန္ဒမပြုမီ တွေ့ရှိခဲ့သည့်အတွက် မဲဆန္ဒပေးခဲ့ခြင်းမရှိကြောင်းသိရသည်။
အဆိုပါ မဲရုံသက်သေခံလက်မှတ်မှာ အတုမဟုတ်ဘဲ သက်သေခံလက်မှတ်ထုတ်ပေးချိန်တွင် လူဦးရေများသဖြင့် လူမရှာပေးနိုင်သည့်အတွက် တံဆိပ်မရိုက်ဘဲ မရုံထဲဝင်သွားသောကြောင့် နားလည်မှုလွဲခြင်းဖြစ်ကြောင်း ဒက္ခိဏသီရိမြို့နယ် မဲရုံအမှတ်(၁၊၂၊၃)မှ မဲရုံးမှူး ဦးထွန်းပေါ်က ပြောကြားသည်။
“သက်သေခံလက်မှတ်တွေ ထုတ်ပေးတဲ့အချိန်မှာ လူဦးရေအရမ်းများတော့ လူဦးရေကို မရှာပေးနိုင်တဲ့အခါမှာ သေခံလက်မှတ်ထုတ်ပေးလိုက်တယ်။ တံဆိပ်ကတော့ရိုက်ပြီးသားပါ။ မိတ္တူဖြစ်သွားပေမယ့် နာမည်နဲ့ မဲစာရင်းက မဲစာရင်းထဲမှာပါတယ်။ တံဆိပ်ရိုက်ရမှာကို မရိုက်ဘဲနဲ့ မဲရုံထဲကိုဝင်သွားတာ။ ရုန်းရင်းဆန်ခတ်တော့ ဖြစ်သွားပေမယ့် နားလည်မှု လွဲသွားပြီးဖြစ်သွားတာပါ” ဒက္ခိဏသီရိမြို့နယ် မဲရုံအမှတ်(၁၊၂၊၃)မှ မဲရုံးမှူး ဦးထွန်းပေါ်ကပြောကြားသည်။
အဆိုပါမဲရုံသက်သေခံလက်မှတ် မိတ္တူဖြင့် မဲပေးသည့်ဖြစ်စဉ်ကြောင့် အငြင်းပွားမှု ဖြစ်ပွားခဲ့သည့် မဲရုံအမှတ်(၁)နေရာသို့ ပြည်ထောင်စုနယ်မြေရွေးကောက်ပွဲကော်မရှင်ဥက္ကဋ္ဌ ဦးသိန်းထွေး လာရောက်ကြည့်ရှုခဲ့ပြီး စေ့စပ်ညှိနှိုင်းမှုပြုလုပ်ခဲ့သည့်အတွက် ပြေလည်ရရှိခဲ့ကြောင်း ပြောကြားသည်။
ဒက္ခိဏသီရိ မြို့နယ်တွင် မဲပေးခွင့်ရှိသူ ၂၈၁၆၇ ဦးရှိပြီး NLD ပါတီမှ ဦးသန့်ဇင်ထွန်းနှင့် ပြည်ခိုင်ဖြိုးပါတီမှ ပြည်ထောင်စုဝန်ကြီးဟောင်း ဦးမြင့်လှိုင်တို့ ပါဝင်ယှဉ်ပြိုင်ခြင်းဖြစ်ပြီး ပြိုင်ဆိုင်မှုပြင်းထန်သည့် မဲဆန္ဒနယ် နယ်မြေများထဲတွင် ပါဝင်သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
