စစ်ကိုင်းတိုင်းဒေသကြီး မုံရွာခရိုင် မုံရွာမြို့တွင် ၁၂ နှစ်အရွယ် ဆဋ္ဌမတန်းကျောင်းသားနှစ်ဦး ပျောက်ဆုံးမှုသည် တစ်နှစ်ကြာမြင့်ပြီ ဖြစ်သော်လည်း ယနေ့အထိတွေ့ရှိခြင်း မရှိသေးကြောင်း မောင်မြင့်မြတ်စိုး၏ မိခင်ဖြစ်သူ ဒေါ်စန်းကြည်၏ ပြောကြားချက်အရ သိရသည်။
အဆိုပါ ၁၂ နှစ်အရွယ် ဆဋ္ဌမတန်း ကျောင်းသားနှစ်ဦးသည် ၂၀၁၈ ခုနှစ် ၁၀ လပိုင်း ၈ ရက်နေ့က ကျောင်းတက်သွားရာကနေ ပျောက်ဆုံးသွားခဲ့ကြောင်း မိခင်ဖြစ်သူက သားပျောက်ဆုံးသွားမှုနှင့်ပတ်သက်၍ သက်ဆိုင်ရာရဲတပ်ဖွဲ့ဝင်များကို အားကိုးတော့မည်မဟုတ်ကြောင်း ဒေါ်စန်းကြည်က ဆက်လက်ပြောကြားသည်။
“ကျွန်မကလေးပျောက်သွားတာက တစ်နှစ်နဲ့နှစ်လရှိပြီ။ ကျွန်မထင်တာကတော့ ပင်လယ်ထဲ ရောက်တယ်လို့ပဲထင်တယ်။ ပြီးတဲ့အခါမှာကျတော့ တပ်ထဲရောက်သွားသလားပေါ့။ ပင်လယ်ထဲရောက်သွားရင်လည်း အပြင်လူတွေနဲ့ ဆက်သွယ်လို့မရဘူး။ အဲဒီ နှစ်လမ်းပဲရှိတာ။ ဒါပေမဲ့ ကျွန်မကတော့ ဘယ်သူမှအားမကိုးတော့ဘူး။ ဒါဟာ အမှန်အတိုင်းပြောတာ။ ကိုယ့်ရဲ့ယုံကြည်ချက်ပဲ။ ကိုယ့်သားမသေရင် ပြန်လာမယ်။ မိဘဆိုတော့ အချိန်နဲ့အမျှပါပဲ။ ခံစားရတာပေ့ါ။ ရဲတွေကိုလည်း ကျွန်မသိပ်ပြီး အားမကိုးတော့ဘူး။ ဘယ်သူ့မှ အားမကိုးတော့ဘူး။ ကံကံ၏အကျိုးတရားပဲ” ဟု မောင်မြင့်မြတ်စိုး၏ မိခင် ဒေါ်စန်းကြည်က ပြောကြားသည်။
ပျောက်ဆုံးသွားကြသည့် ၁၂ နှစ်အရွယ် ခြောက်တန်းကျောင်းသားနှစ်ဦး၏ မိဘများသည် ယနေ့အထိမမေ့ကြောင်း၊ တစ်နေ့ ၎င်းတို့၏သားနှစ်ဦးသည် အသက်မသေပါက ပြန်လာကြလိမ့်မည် ယုံကြည်နေကြသည်။
ယင်းဖြစ်စဉ်နှင့်ပတ်သက်၍ သက်ဆိုင်ရာ ရဲစခန်းထံ မိဘဖြစ်သူများက အမှုဖွင့်တိုင်တန်းထားကြောင်း၊ ပျောက်ဆုံးသွားကြသည့် ၁၂ နှစ်အရွယ် ဆဋ္ဌမတန်းကျောင်းသားနှစ်ဦးသည် မောင်စွမ်းဇော်ဇော်နှင့် မောင်မြင့်မြတ်စိုးတို့ဖြစ်ပြီး ယင်းကျောင်းသားနှစ်ဦးသည် မုံရွာ အ-ထ-က ၃ ကျောင်းတွင် ပညာသင် ကြားနေသည့် ကျောင်းသားနှစ်ဦးဖြစ်ကြောင်း သိရသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
