မြေလတ်ဒေသမြို့နယ်များတွင် ဆောင်းကြက်သွန်များ စတင်စိုက်ပျိုးနေပြီး ကြက်သွန်ပေါ်ချိန် ယခင်နှစ်များကထက် စျေးကောင်းရရန် မျှော်လင့်နေကြောင်း သတင်းရရှိသည်။
မကွေးတိုင်းဒေသကြီး အောင်လံမြို့နယ်၊ သရက်မြို့နယ်၊ ဆင်ပေါင်ဝဲမြို့နယ်၊ တောင်တွင်းကြီးမြို့နယ်များတွင် ဆောင်းကြက်သွန်များ စတင်စိုက်ပျိုးနေပြီး ယခင်နှစ်က တောင်သူများထံမှ ကြက်သွန်ပေါ်ချိန် တစ်ပိဿာလျှင် ကျပ် ၄၀၀ ခန့်သာ စျေးရရှိခဲ့သဖြင့် အရှုံးပေါ်ခဲ့ပြီး ယခုနှစ် ဆောင်းကြက်သွန်ပေါ်ချိန် စျေးကောင်းရရန် တောင်သူများ မျှော်လင့်နေကြောင်း သိရသည်။
“ကြက်သွန်စျေးက အခုကသာ တစ်ပိဿာ ၂၀၀၀ ကျော်ရှိနေတာ။ ဆောင်းကြက်သွန်ပေါ်ရင် တစ်ပိဿာ လေးငါးရာ ဖြစ်သွားတာ။ ပြီးခဲ့တဲ့နှစ်ကဆို တစ်ပိဿာလေးရာနဲ့ ရောင်းခဲ့ရတာ။ တောင်သူတွေ ရှုံးတယ်။ အနည်းဆုံး ကြက်သွန်တစ်ပိဿာ ၁၀၀၀ လောက်ရောင်းရရင်ကိုပဲ တွက်ခြေကိုက်တယ်။ ကြက်သွန်က မျိုးစေ့ဝယ်ပျိုးရတာ မျိုးစေ့တစ်ပုလင်းကို ကျပ်နှစ်သောင်းလောက် ရှိတယ်။ တစ်ဧကဆိုရင် လေးပုလင်းလောက် ပျိုးရတယ်။ အလုပ်သမားခကလည်း ကြီးကကြီးနဲ့ ကြက်သွန်တစ်ဧကကို စိုက်ပျိုးစရိတ် ကျပ်သုံးသိန်းနဲ့ အထက်မှာရှိတယ်။ မနှစ်က စျေးအတိုင်းဆို အခုနှစ်ရှုံးဦးမှာပဲ” ဟု အောင်လံမြို့နယ် ရွှေညောင်ပင်ကျေးရွာက ဒေသခံတောင်သူတစ်ဦးက ပြောကြားသည်။
ပြီးခဲ့သည့်နှစ်များကလည်း ဆောင်းကြက်သွန်ခင်းများ၌ ရောဂါပိုးများကျရောက်ခဲ့၍ ကြက်သွန်ခင်းများ ပျက်စီးခဲ့ကာ တောင်သူများ အရှုံးပေါ်ခဲ့ကြောင်း သိရသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
