ကျောက်တံတားမြို့နယ် ၃၇ လမ်းရှိ အဆောင်တွင် ဇန်နဝါရီ ၂၄ ရက်ညပိုင်းက ပုပ်ပွသေဆုံးနေသည့် ပုံနှိပ်စက်လုပ်သားတစ်ဦး၏ အလောင်းအား တွေ့ရှိခဲ့ကြောင်း သက်ဆိုင်ရာရဲစခန်းမှ စုံစမ်းသိရသည်။
ဇန်နဝါရီ ၂၄ ရက် ည ၈ နာရီကျော် ခန့်တွင် ကျောက်တံတားမြို့နယ် ၃၇ လမ်းရှိ အမျိုးသားအဆောင်အခန်းအတွင်း သေဆုံးနေသည့် အမျိုးသားအလောင်း တွေ့ရှိကြောင်း သတင်းရသဖြင့် ရဲတပ်ဖွဲ့မှ စစ်ဆေးခဲ့ကြောင်း သိရသည်။
“သတင်းရလို့သွားတော့ အခင်းဖြစ်တဲဲ့ အဆောင်အခန်းထဲသွားဖို့ ဘေးအခန်းတွေ တံခါးဂျက်တွေပါ ဖျက်ရတယ်။ အခင်းဖြစ်တဲ့ နေရာအထဲကိုရောက်ဖို့ တစ်နာရီလောက် လုပ်လိုက်ရတယ်။ သေဆုံးသူက ပုံနှိပ်စက်အ လုပ်သမားပါ။ လက်ချောင်းမှာရတဲ့ဒဏ်ရာကလည်း ပြီးခဲ့တဲ့ ဒီဇင်ဘာတုန်းက ကားတံခါးညှပ်လို့ရတဲ့ဒဏ်ရာပါ။ အဲဒီဒဏ်ရာကို လည်း ရန်ကုန်ဆေးရုံကြီးမှာ သွားပြထားတဲ့ ဆေးမှတ်တမ်းကိုလည်း သေဆုံးသူရဲ့ အခန်းထဲက တွေ့ရှိသိမ်းဆည်းရမိတယ်။ သေဆုံးသူက အသက် ငါးဆယ်ကျော်အရွယ်ပါ။တီဗီ ရောဂါ အခံရှိလို့ ပြထားတဲ့ ဆေးမှတ်တမ်း လည်း သူ့အခန်းထဲက တွေ့ရတယ်” ဟု ကျောက်တံတားမြို့မရဲစခန်းမှ တာဝန်ရှိသူ တစ်ဦးက ပြောကြားသည်။
အလောင်းမှာ ပုပ်ပွနေပြီး သေဆုံးသည် မှာ သုံးရက်ခန့်ရှိပြီဖြစ်ကြောင်း၊ အလောင်းအား ရဲတပ်ဖွဲ့မှ စစ်ဆေးရာ ပြင်ပဒဏ်ရာ မတွေ့ ရှိခဲ့ကြောင်း ကျောက်တံတားမြို့မရဲစခန်းမှ စုံစမ်းသိရသည်။
အဆိုပါဖြစ်စဉ်အား ကျောက်တံတား မြို့မရဲစခန်းမှ သေမှုသေခင်းဖွင့်ကာ အမှုဖွင့် စစ်ဆေးနေကြောင်း သိရသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
