Top News

SpaceXနှင့် Tesla ကုမ္ပဏီများပိုင်ရှင် ဘီလီယံနာသူဌေး အီလွန်မတ်စ်သည် ဒေါ်နယ်ထရမ့်ကို ထောက်ခံသည့် America PAC နိုင်ငံရေးလှုပ်ရှားမှု ကော်မတီ အဖွဲ့ကို ၂၀၂၄ ခုနှစ် သမ္မတရွေးကောက်ပွဲအတွက် ကန်ဒေါ်လာ ၇၅ သန်း လှူဒါန်းပြီးဖြစ်‌ေကြာင်း သိရသည်။

အင်္ဂါနေ့က ထုတ်ပြန်ခဲ့သော ပြည်ထောင်စု ရွေးကောက်ပွဲ ကော်မရှင်၏ စာရွက်စာတမ်းများအရ အီလွန်မတ်စ် ၏ လှူဒါန်းငွေများသည် ဇူလိုင်လတွင် ဒေါ်လာ ၁၅ သန်း၊ သြဂုတ်လတွင် ဒေါ်လာ သန်း ၃၀ နှင့် စက်တင်ဘာလတွင် နောက်ထပ် ဒေါ်လာ သန်း ၃၀ ရှိပြီး၊ ဤကာလအတွင်း America PAC အတွက် သီးသန့်အလှူရှင် ဖြစ်လာစေခဲ့သည်။

America PAC သည် မဲဆန္ဒရှင်များ ထိတွေ့ဆက်ဆံမှုတွင် အီလွန်မတ်စ်၏ ပံ့ပိုးကူညီမှု ဒေါ်လာ ၇၂ သန်းခန့်ကို အသုံးပြုထားပြီး၊ ထရမ့်ကို ထောက်ခံသော်လည်း ယခင်ရွေးကောက်ပွဲတွင် ထရမ့်အား တသမတ်တည်း မဲမပေးခဲ့သူများအပေါ် ပစ်မှတ်ထား၍အာရုံစိုက်ထားသည်။ ယင်းအဖွဲ့၏ ရည်မှန်းချက်ကြီးသော မဟာဗျူဟာတွင် ရွေးကောက်ပွဲနေ့မတိုင်မီ မိမိတို့ ပစ်မှတ်ထားထားသည့် မဲဆန္ဒရှင်ပြည်သူများနှင့် သုံးကြိမ်အဆက်အသွယ်ပြုလုပ်ခြင်း ပါဝင်သည်။

PAC သည် ရွေးကောက်ပွဲ လည်ပတ်မှု နောက်ကျခြင်းကြောင့် အချို့ပြည်နယ်များတွင် ကန်ထရိုက်တာများနှင့် မဲဆွယ်သူများကို ငှားရမ်းရာတွင် ရင်ဆိုင်ရသည့် အခက်အခဲများ အပါအဝင် ထောက်ပံ့ပို့ဆောင်ရေး အခက်အခဲများနှင့် ရင်ဆိုင်နေရသေးသည်။ ဤစိန်ခေါ်မှုများကြားမှပင်လျှင် အဖွဲ့၏ကျယ်ပြန့်သောလက်လှမ်းမီမှုနှင့် လျင်မြန်သောစည်းရုံးလှုံ့ဆော်မှုသည် အနီးကပ်ပြိုင်နေသည့်ပြိုင်ပွဲတွင် မဲများကို သိသိသာသာ အသာစီးရစေနိုင်သည်။