ရန်ကုန်တွင် မိုးဆက်တိုက်ရွာသွန်းမှုကြောင့် ရွှေပြည်သာတစ်မြို့လုံးနီးပါး ရေနစ်မြုပ်မှုဖြစ်ပေါ်နေကြောင်း ဒေသခံတစ်ဦး၏ ပြောပြချက်အရ သိရသည်။
အောက်တိုဘာ ၂၀ ရက် ညပိုင်းမှစတင်ကာ မိုးရွာသွန်းခဲ့ပြီး ယနေ့နံနက်အထိ မိုးသည်းထန်စွာရွာသွန်းခဲ့ခြင်းကြောင့် ရွှေပြည်သာမြို့နယ်အပါအဝင် ရန်ကုန်ရှိ အနိမ့်ပိုင်းရပ်ကွက်အချို့ ရေနစ်မြုပ်နေကြောင်း သိရသည်။
” တစ်မြို့လုံးနီးပါးမြုပ်နေတာပေါ့။ ရေဘေးရှောင်ရတဲ့ အနေအထားထိတော့မရောက်သေးဘူး။ ဟိုဘက် လှော်ကားတို့ဆိုရင်တော့ ရှောင်ရင်ရှောင်ရမှာပေါ့။ တချို့ရပ်ကွက်တွေဆိုရင် တစ်ပေ၊ တစ်ပေခွဲအထိမြုပ်တယ်” ဟု ရွှေပြည်သာတွင် နေထိုင်သူတစ်ဦးက ပေါ်ပြူလာနယူးစ်သို့ ပြောသည်။
မိုးဆက်တိုက်ရွာသွန်းမှုကြောင့် ရွှေပြည်သာ၊မြောက်ဒဂုံ၊လှိုင်သာယာမြို့နယ်၊တောင်ဥက္ကလာမြို့နယ်၊မြောက်ဥက္ကလာပမြို့နယ်၊ သင်္ဃန်းကျွန်းမြို့နယ်၊အင်းစိန်မြို့နယ် အပါအဝင်မြို့နယ်အချို့၏ အနိမ့်ပိုင်းနေရာများ၏ နေအိမ်အတွင်းရေဝင်ရောက်မှုတွေဖြစ်ပေါ်နေကြောင်း သိရသည်။
ယင်းတွင် ရွှေပြည်သာ၌ အောက်တိုဘာလ (၂၁) ရက်တွင် လေပြင်းတိုက်ခတ်ခြင်း၊ နေအိမ်အမိုးလန်၍ ရေနစ်မြုပ်မှုများ ဖြစ်ပေါ်ခဲ့ကြောင်း သိရသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
