Top News

တနင်္သာရီတိုင်းဒေသကြီး ထားဝယ်မြို့ပေါ်တွင် သြဂုတ် ၁၇ ရက်ည ၉ နာရီကျော်က အသံကျယ်လောင်စွာဖြင့် ပေါက်ကွဲသံတစ်ချက်ထွက်ပေါ်ခဲ့ပြီး အသံထွက်ပေါ်ရာနေရာ ဟုယူဆရသည့်နေရာတွင်ယမ်းမှုန့်များ ကျန်ရှိခဲ့ကြောင်း သိရသည်။

ထားဝယ်မြို့ပေါ်ရှိ ဘုမ္မော်နှင့် ကြက်စားပြင်ရပ်ကွက်တို့၌ ည ၉ နာရီ ၁၅ မိနစ်ခန့်က အသံကျယ်လောင်သည့် ပေါက်ကွဲသံကိုရပ်ကွက်အတွင်း နေထိုင်သူများနှင့် မြို့ပေါ်၌နေထိုင်သူများကြားခဲ့ရပြီး အသံထွက်ပေါ်ရာနေရာအနီး၌ နေထိုင်သူအချို့မြေပြင်တုန်ခါမှုကိုပါ ခံစားခဲ့ရကြောင်း၊ ယင်းအသံထွက်ပေါ်ပြီးနောက် အသံထွက်ပေါ်ရာနေရာကို ရပ်ကွက်နေသူအချို့လိုက်လံရှာဖွေရာ ဘုမ္မော်ရပ်ကွက် သီတဂူဆေးရုံအဝင်​လမ်​း​ဘေးရှိ ရော်ဘာဂို​ဒေါင်​ဝင်​း​ဘေး​မြောင်​းနှုတ်​ခမ်​း​ပေါ်၌ ​ပေါက်ကွဲသည့်​နေရာဟုယူဆရသည်​့​နေရာကို​ တွေ့ ရှိခဲ့ပြီး ယင်​း​နေရာ၌ ယမ်​းမှုန့်အနည်​းငယ်နှင့် စုတ်​ပြတ်​​နေသည်​့ အနက်​​ရောင်​ကြွပ်​ကြွပ်အိတ်ကို​ တွေ့ရသည်​့အပြင်​ ​ပေါက်​ကွဲသည့် အရှိန်​ကြောင်​့မြေကြီးတွင် လေးလက်မခန့် တွင်းငယ်တစ်ခုဖြစ်သွားပြီး သုံးပေပတ်​လည်​အကျယ်​​​ ပေါင်​းမြက်​ပင်​များ လွင်​့စဉ်​ရှင်​းလင်း​ နေသည်​့​​မြေကွက်ငယ်​နှင်​့ နံ​ဘေးရှိအုတ်​နံရံ ၌ ရွှံ့များ​ပေကျံနေသည်​ကို​ တွေ့ရ​ကြောင်​း ယင်​း​နေရာကို​ တွေ့ရှိခဲ့သူများထံမှ သိရသည်။

ယင်​း​နေရာမှ​ ပေါက်​ကွဲသံထွက်ပေါ်လာသည့် အချိန်​တွင်​မီးလုံးအ​ရောင်​နှင်​့ မီးခိုးလုံးများကို မြင်​​တွေ့ခဲ့သူများရှိခဲ့ကြောင်​း၊​ ပေါက်​ကွဲသံထွက်ပေါ်မှုကြောင့် ရပ်ကွက်နေသူများ စိုးရိမ်ထိတ်လန့်ခဲ့သည်ဟု သိရသည်။

“အသံကြားတဲ့ဆီ သွားရှာတာ ဘာမှမ​တွေ့ဘူး။ ဒါ​ပေမဲ့ အသံဖြစ်​တဲ့​နေရာ အတည်​ပြုတဲ့​နေရာမှာ​တော့ ယမ်းနံ့တွေရတယ်။ ကြွပ်​ကြွပ်အိတ်တောင်​ စုတ်​ပြတ်​သတ်​​နေတယ်​​။​ ပေါက်​ကွဲလို့စဉ်​တဲ့ဟာ မ​တွေ့ဘူး။ မရှိဘူး။အဲဒါ​တွေ့ရင်​ ဘာနဲ့လုပ်​တယ်​ဘာဆိုတာ သိရမှာ။ အခုက ယမ်​းနံ့ရတယ်​ဆို​တော့ အဲဒီကြွပ်​ကြွပ်အိတ်ထဲထည်​့ပြီး​တော့များ​ ဖောက်​လားမသိဘူး။ ယမ်​းကို ကြွပ်​ကြွပ်အိတ်နဲ့ထုတ်​ပြီး​တော့ များလား​ပေါ့။ ဘယ်​သူ့လက်​ချက်​ဆိုတာ စုံစမ်​း​နေတယ်​။ ယမ်​းနဲ့ ပတ်​သက်​တာကိုလည်း လိုက်​​နေတယ်​။​ နောက်​တစ်ခုက ဘာရည်ရွယ်​ချက်​ရှိလဲ​ပေါ့။ ဒီဟာကဟိုနားတစ်လုံး ဒီနားတစ်လုံးဆို​တော့ လူလိုက်​လုပ်​​နေတာ​သေချာသွားပြီ။ စစချင်​းတုန်​းကဟိုဟာလိုလို ဒီဟာလို လိုဆို​တာ မဟုတ်​​တော့ဘူး။ ဒါက တမင်​တ ကာလိုက်​ပြီး​တော့ လုပ်တာလားဘာလားဆို တာ တွေ့အောင်​ရှာမှရမယ်”ဟု ထားဝယ်မြို့ မရဲစခန်းမှူးက ပြောကြားသည်။

အဆိုပါ ကျယ်လောင်သောပေါက်ကွဲသံများမှာ ထားဝယ်မြို့ပေါ်နှင့် မြို့အနီးဝန်းကျင်နေရာအနှံ့မှ ပြီးခဲ့သည့် သြဂုတ် ၁၁ ရက် ညပိုင်းမှစတင်ကာ သြဂုတ်၁၇ ရက်အထိ ညစဉ် ည ၉ နာရီမှ ၁၂ နာရီကျော်အချိန်အတွင်း တစ်ညလျှင် တစ်ကြိမ်ထွက်ပေါ်နေခြင်းဖြစ်ပြီး ထားဝယ်မြို့ပေါ်အပြင် မြို့အနီးဝန်းကျင်ရှိ ကျေးရွာများကပါ ကြားရကြောင်း၊ ပေါက်ကွဲ သံထွက်ပေါ်သည့် နေရာနှင့် နီးကပ်သည့် နေရာများတွင် ပေါက်ကွဲသံထွက်ပေါ်ချိန်၌ တုန်ခါမှုကိုပါ ခံစားရသည်ဟု ပေါက်ကွဲသံကြားရသူများက ဆိုသည်။

“ညတုန်​းက ၉ နာရီ ၁၀ မိနစ်​ ၁၅ မိနစ်​​လောက်​မှာ​ပေါ့။ အိမ်​မှာအိပ်​ပြီး စာဖတ်​ရင်းနဲ့အသံတစ်​ခု ကြားတယ်​။ အတော်​​လေးကို ကျယ်တယ်​။ ‘ဒုန်​း’ ဆိုပြီး​ သေနတ်ပစ်​သံလို ကြားတယ်။​ မြေကြီး​တောင်​ တုန်​တယ်။ ဘာဖြစ်လဲ​ပေါ့​နော်​။ မိုးကြိုးပစ်​တာလား တစ်ခုခု ဖြစ်​တာလား ပထမ​တော့ ဇ​ဝေဇဝါဖြစ်​တယ်။ ​နောက်​မှ လိုက်မေးရင်​းနဲ ့ဒီလိုဖြစ်​မှန်​းသိတာ။မြင်​တဲ့သူ​တွေ​ပြောတာ​တော့ ဒီအသံကြားပြီးတာနဲ့ မီးခိုး​တွေအူထွက်​​နေတယ်​တဲ့ အဲ​ဒီနေရာမှာ။ မီးခိုး​တွေအူထွက်​ပြီး​တော့ အနီးနား ပတ်​ဝန်​းကျင်​က လူကြီးပိုင်​း​တွေဆိုလန့်ပြီး​သွေးတိုး​တွေဘာ​တွေတက်​ပြီး​ ဆေး​တွေ​ထိုးရတာရှိတယ်​။ အနီးအနားပတ်​ဝန်​းကျင်​က လူ​တွေလည်​း အထိတ်တလန့်ဖြစ်​​နေတာ​တွေ ရှိတယ်​။​ ပေါက်​တဲ့​နေရာနဲ့ ကျွန်တော့်​အိမ်​က​လမ်​းမကြီးတစ်​လမ်​းပဲ ခြားတယ်​” ဟု​ ပေါက်​ကွဲသံထွက်​​ပေါ်ခဲ့သည်​့​ နေရာအနီးတွင်​​ နေထိုင်​သူ ကြက်​စားပြင်​ရပ်​ကွက်​မှ ကို​သော်​လွင်​​အောင်​က​ ပြောကြားသည်။

ထို့ပြင် သြဂုတ် ၁၂ ရက်က ထားဝယ်မြို့ပေါ်၌ ပေါက်ကွဲသံကြားခဲ့ရသည့် ကိုဟိန်းသန့်ကလည်း “ကျွန်တော် ပေါက်ကွဲတဲ့ အသံကြားတာကတော့ ည ၁၂ နာရီ ၂၅လောက်ရှိပြီဗျ။ ရုံးမှာထိုင်နေတုန်း ပေါက်ကွဲသံကြားလိုက်တယ်။ နောက်ပြီးမြေပါတုန်သွားတယ်ဗျ။ အဲ ဒီအသံကြားလို့ အသံလာတဲ့ဘက် ရွှေဝယ်သီရိကစားကွင်းဘက်နဲ့ ထီးခီးကားကွင်းဘက်ကို သွားကြည့်တာ ဘာမှတော့ ထွေထွေထူးထူး မတွေ့ရဘူး။ အခုထိတော့ ဘာပေါက်ကွဲတာလို့ မသိရသေးဘူူး။ မိုင်းပေါက်ကွဲသံဖြစ်မယ်လို့ မြင်တယ်ဗျ။ ဘာကြောင့်လဲဆိုတော့ အဲဒီအ သံကြားချိန်မှာ မြေကြီးပါတုန်သွားတယ်။ နောက်ပြီး အိပ်တန်းဝင်နေတဲ့ ငှက်တွေတောင် အကုန်လုံးလန့်ပြီး ထပျံကုန်တယ်” ဟု ၎င်းကိုယ်တိုင်ကြားသိခဲ့ရသည့် အခြေအနေကို ပြောကြားသည်။

သြဂုတ် ၁၁ ရက်မှ ၁၇ ရက်အတွင်း ညစဉ်ပေါက်ကွဲသံများ ကြားခဲ့ရပြီးပေါက်ကွဲသံ ထွက်ပေါ်လာသည့်နေရာမှ မီးခိုးလုံးများထွက်ပေါ်လာသည်ကို မျက်မြင်တွေ ့ရှိသူများ ရှိသည့်အပြင် ပေါက်ကွဲသံထွက်ပေါ်လာသည့် နေရာသို ့ပေါက်ကွဲမှုမဖြစ်ခင် ဆိုင်ကယ်ဖြင့် လူတစ်ဦးလာရောက်၍ အထုပ်တစ်ထုပ်လာ ရောက်ချထားခဲ့သည်ကို မြင်တွေ့ခဲ့သူများရှိကြောင်း စုံစမ်းသိရှိရသည်။

ယင်းသို့ ညစဉ်ပေါက်ကွဲသံများပေါ် ထွက်နေ၍ ထားဝယ်မြို့ခံများအကြား စိုးရိမ်ထိတ်လန့်မှုများ ရှိနေကြောင်း၊ ယင်းသို ့ပေါက်ကွဲသံထွက်ပေါ်အောင် လုပ်ဆောင်နေသူများမှာ ဒေသတွင် မတည်မငြိမ်ဖြစ်စေရန်နှင့် ပြည်သူများကြောက်လန့်စေရန် လုပ်ဆောင်နေသည်ဟု သုံးသပ်ရပြီး ထိုသို့ပြုလုပ်နေသူများကို အမြန်ဆုံးဖော်ထုတ် ဖမ်းဆီးအရေးယူပေးရန်လိုကြောင်း မြို့ခံများက တောင်းဆိုမှုများ ရှိနေသည်ဟု သိရသည်။