နာပိုလီအသင်း၏ စပိန်လက်ရွေးစင်ကွင်းလယ်လူ ဖာဘီယန်ရုဇ်သည် စပိန်ထိပ်သီးကလပ် ရီးယဲလ်မက်ဒရစ်သို့ပြောင်းရွှေ့ရန် ချိတ်ဆက်လျက်ရှိနေကြောင်း စပိန်အားကစားသတင်းစာ Mundo Deportivo ကဖော်ပြခဲ့သည်။
အသက် (၂၅)နှစ်အရွယ်ရှိ ဖာဘီယန်ရုဇ်သည် ၂၀၁၈ ခုနှစ်က စပိန်ကလပ်ဘက်တစ်အသင်းမှ စီးရီးအေကလပ် နာပိုလီအသင်းသို့ ယူရိုသန်း (၃၀)ဖြင့်ပြောင်းရွှေ့ခဲ့သူဖြစ်ပြီး အီတလီမြေပထမဆုံးရာသီမှာပင် အဓိက ကစားသမားအဖြစ်ခြေစွမ်းပြနိုင်ခဲ့သူဖြစ်သည်။
အီတလီမြေတွင် (၄)ရာသီကြာဖြတ်သန်းခဲ့ပြီးနောက် လက်ရှိတွင် ဖာဘီယန်ရုဇ်အနေဖြင့် စပိန်မြေသို့ပြန်ရန် ဆန္ဒရှိနေပြီး ရီးယဲလ်မက်ဒရစ်သို့ပြောင်းရွှေ့ရန် စိတ်ဝင်စားနေကြောင်း စပိန်မီဒီယာများကဖော်ပြခဲ့ခြင်းဖြစ်သည်။ ထို့ပြင်ရီးယဲလ်မက်ဒရစ်အသင်းအနေဖြင့်လည်း အသက်အရွယ်ရလာသည့် မိုဒရစ်၊ တိုနီကရို့စ်တို့၏နေရာတွင် ရေရှည်အစားထိုးရန်အတွက် အရည်အသွေးမြင့်ကွင်းလယ်လူများကို ပစ်မှတ်ထားလျက်ရှိနေပြီး ဖာဘီယန်ရုဇ်အား အစောပိုင်းကတည်းက စိတ်ဝင်စားနေကြောင်း သတင်းများထွက်ပေါ်ခဲ့ဖူးသည်။
ဖာဘီယန်ရုဇ်အားခေါ်ယူရန်အတွက် ဘာစီလိုနာ၊ အာဆင်နယ်၊ ဂျူဗင်တပ်စ်အစရှိသည့်ဥရောပအသင်းကြီးများကလည်း စိတ်ဝင်စားနေရာ ရီးယဲလ်မက်ဒရစ်အနေဖြင့် အလျင်အမြန်လက်ဦးမှုရယူဖွယ်ရှိနေကြောင်း သိရသည်။
နာပိုလီအသင်းနှင့် ဖာဘီယန်ရုဇ်တို့၏ လက်ရှိစာချုပ်သက်တမ်းမှာ လာမည့် ၂၀၂၃ ဇွန်လတွင် ကုန်ဆုံးမည်ဖြစ်ပြီး နာပိုလီအသင်းအနေဖြင့် ၎င်းတို့၏ အဓိက ကစားသမားအတွက် အနည်းဆုံးယူရိုသန်း (၅၀)ခန့်အလိုရှိနေကြောင်းသိရသည်။
စပိန်လက်ရွေးစင်အသင်းအတွက် (၁၅) ပွဲကစားပေးထားသည့် ဖာဘီယန်ရုဇ်သည် နာပိုလီအသင်းအတွက် (၄)ရာသီအတွင်း ပြိုင်ပွဲစုံ (၁၅၆)ပွဲအထိကစားပေးထားကာ (၂၁)ဂိုးသွင်းယူပေးထားသူဖြစ်သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
