Top News

တစ်နိုင်ငံလုံး၌ မေ ၁၂ ရက် နံနက်ပိုင်းအထိ COVID-19 ဓာတ်ခွဲစစ်ဆေးပြီးသူ ၁၁၈၀၀ ကျော်ရှိပြီး စောင့်ကြည့်လူနာ စုစုပေါင်း ၃၉၀၀ ကျော်ကျန်ရှိကြောင်း ကျန်းမာရေးနှင့် အားကစားဝန်ကြီးဌာနမှ သိရသည်။

မေ ၁၂ ရက်နံနက်ပိုင်းအထိ ဓာတ်ခွဲစစ်ဆေးပြီးသူ စုစုပေါင်း ၁၁၈၂၂ ဦးရှိပြီး စောင့်ကြည့်လူနာ ၃၉၁၆ ဦး၊ ပိုးတွေ့လူနာ ၁၈၀၊ သေဆုံးလူနာခြောက်ဦးနှင့် ပိုးတွေ့ပြန်လည်ကောင်းမွန်သူ ၇၄ ဦး ရှိကြောင်းနှင့် ပိုးတွေ့လူနာများအနက် ရန်ကုန်တိုင်းဒေသကြီး အင်းစိန်မြို့နယ်၌ ၄၃ ဦး၊ တောင်ဥက္ကလာပ မြို့နယ်တွင် ၁၃ ဦး၊ မရမ်းကုန်းမြို့နယ်တွင် ၁၅ ဦး၊ ဗဟန်းမြို့နယ်တွင် ကိုးဦး၊ တာမွေမြို့နယ်၌ ၁၀ ဦး၊ ပန်းဘဲတန်းမြို့နယ်တွင် ခုနစ်ဦး၊ စစ်ကိုင်းတိုင်းဒေသကြီး ကလေးမြို့တွင် ခြောက်ဦး၊ ချင်းပြည်နယ် တီးတိန်မြို့တွင် ငါးဦး၊ ဗိုလ်တထောင်မြို့နယ်တွင် ငါးဦး၊ လှိုင်သာယာမြို့နယ်၌ ငါးဦး၊  ပဲခူးတိုင်းဒေသကြီး ပေါက်ခေါင်းမြို့နယ်၌ လေးဦး ၊ ဒဂုံမြို့သစ် (မြောက်ပိုင်း)တွင် လေးဦး၊ ကမာရွတ်မြို့နယ်၌ လေးဦး၊ မင်္ဂလာဒုံမြို့နယ်တွင် သုံးဦး၊  ပဲခူးတိုင်းဒေသကြီး ပြည်မြို့တွင်သုံးဦး၊ ရွှေပြည်သာမြို့နယ်တွင် သုံးဦး၊  မင်္ဂလာတောင်ညွန့်မြို့နယ်တွင် နှစ်ဦး၊ မြောက်ဥက္ကလာပမြို့နယ်တွင် နှစ်ဦး၊ ရှမ်းပြည် (တောင်ပိုင်း) တောင်ကြီးမြို့တွင် နှစ်ဦး၊ စမ်းချောင်းမြို့နယ်တွင် နှစ်ဦး၊ ရှမ်းပြည် (အရှေ့ပိုင်း) တာချီလိတ်မြို့တွင် နှစ်ဦး၊ ဒေါပုံမြို့နယ်တွင် နှစ်ဦး၊ ဒဂုံမြို့သစ် (အရှေ့ပိုင်း) တွင် နှစ်ဦး၊ သာကေတမြို့နယ်တွင် နှစ်ဦး၊ ကျောက်တံတားမြို့နယ်တွင် နှစ်ဦး၊  လှိုင်မြို့နယ်တွင် နှစ်ဦး၊ မှော်ဘီမြို့နယ်တွင် တစ်ဦး၊ မန္တလေးတိုင်းဒေသကြီး ချမ်းမြသာစည်မြို့နယ်တွင် တစ်ဦး၊ နေပြည်တော် ဇဗ္ဗူသီရိမြို့နယ်တွင် တစ်ဦး၊ ရှမ်းပြည် (မြောက်ပိုင်း) ကျောက်မဲမြို့တွင် တစ်ဦး၊ မွန်ပြည်နယ် ကျိုက်မရောမြို့တွင် တစ်ဦး၊ လှည်းကူးမြို့၌ တစ်ဦး၊ မကွေးတိုင်းဒေသကြီး မြို့သစ်မြို့နယ်တွင် တစ်ဦး၊ ရှမ်းပြည် (အရှေ့ပိုင်း) မိုင်းဖြတ်မြို့တွင် တစ်ဦး၊ အလုံမြို့နယ်တွင် တစ်ဦး၊ မန္တလေးတိုင်းဒေသကြီး အောင်မြေသာစံမြို့နယ်၌ တစ်ဦး၊ ပုဇွန်တောင်မြို့နယ်တွင် တစ်ဦး၊ ဒဂုံမြို့သစ် (တောင်ပိုင်း) တွင် တစ်ဦး၊  သင်္ဃန်းကျွန်းမြို့နယ်တွင် တစ်ဦး၊  ဒေါပုံမြို့နယ်တွင် တစ်ဦး၊ မန္တလေးတိုင်းဒေသကြီး မတ္တရာမြို့တွင် တစ်ဦး၊ ကချင်ပြည်နယ် မိုးညှင်းမြို့တွင် တစ်ဦး၊ ရှမ်းပြည်နယ် (မြောက်ပိုင်း) မူဆယ်မြို့တွင် တစ်ဦး၊ ရန်ကုန်တိုင်းဒေသကြီး ဒဂုံမြို့နယ်တွင် တစ်ဦး၊ ကချင်ပြည်နယ် မိုးညှင်းမြို့တွင် တစ်ဦး၊ စစ်ကိုင်းတိုင်းဒေသကြီး စစ်ကိုင်းမြို့တွင် တစ်ဦး၊ ချင်းပြည်နယ် ဟားခါးမြို့တွင် တစ်ဦး ၊ နေပြည်တော် ဇေယျာသီရိမြို့နယ်တွင် တစ်ဦးနှင့် ရန်ကုန်တိုင်းဒေသကြီး ကျောက်တန်းမြို့နယ်တွင် တစ်ဦးရှိကြောင်း သိရသည်။ 

မြန်မာနိုင်ငံ၌ ယနေ့အချိန်အထိ လေ့လာဆန်းစစ်မှုများအရ COVID-19 ဓာတ်ခွဲအတည်ပြု လူနာများတွင် တွေ့ရှိရသော ရောဂါလက္ခဏာများမှာ ဖျားခြင်း ၇၃ ရာခိုင်နှုန်း၊ ချောင်းဆိုးခြင်း ၄၉ ရာခိုင်နှုန်း၊ ကိုယ်လက်မအီမသာဖြစ်ခြင်း၊ ကြွက်သားနှင့် အဆစ်အမြစ်များ နာကျင်ခြင်း ၁၃ ရာခိုင် နှုန်း၊ မောခြင်း ၂၁ ရာခိုင်နှုန်း၊ လည်ချောင်းနာခြင်း ၁၈ ရာခိုင်နှုန်း၊ မူးဝေအော့အန်ခြင်းနှင့် ဝမ်းလျှောခြင်း ၁၁ ရာခိုင်နှုန်း၊ နှာခေါင်းပိတ်ခြင်း၊ နှာချေခြင်း၊ နှာစေးခြင်း ၁၃ ရာခိုင် နှုန်းနှင့် အနံ့၊ အရသာ၊ အာရုံခံစားမှုပျောက် ကွယ်ခြင်း ကိုးရာခိုင်နှုန်းရှိဟုသိရသည်။

ကမ္ဘာ့ကျန်းမာရေးအဖွဲ့နှင့် တရုတ်နိုင်ငံတို့ ပူးပေါင်းလေ့လာချက်အရ COVID-19 ဓာတ်ခွဲအတည်ပြုလူနာများ၌ တွေ့ရှိရသော ရောဂါလက္ခဏာများမှာ ဖျားခြင်း ၈၇ ဒသမ ၉ ရာခိုင်နှုန်း၊ ချောင်းဆိုးခြင်း ၆၇ ဒသမ ၇ ရာခိုင်နှုန်း၊ ကိုယ်လက်မအီမသာဖြစ် ခြင်း၊ ကြွက်သားနှင့် အဆစ်အမြစ်များ နာကျင်ခြင်း ၃၈ ဒသမ ၁ ရာခိုင်နှုန်း၊ မောခြင်း ၁၈ ဒသမ ၆ ရာခိုင်နှုန်း၊ လည်ချောင်းနာခြင်း ၁၃ ဒသမ ၉ ရာခိုင်နှုန်း၊ မူးဝေအော့အန်ခြင်းနှင့် ဝမ်းလျှောခြင်း ၈ ဒသမ ၇ ရာ ခိုင်နှုန်း၊ နှာခေါင်းပိတ်ခြင်း၊ နှာချေခြင်း၊ နှာစေးခြင်း ၄ ဒသမ ၈ ရာခိုင်နှုန်းနှင့် အနံ့၊ အရသာ၊ အာရုံခံစားမှုပျောက်ကွယ်ခြင်း မရှိကြောင်း သိရသည်။

ထို့ပြင် USCDC ၏ ထုတ်ပြန်ချက်၌ COVID-19 ဓာတ်ခွဲအတည်ပြုလူနာများတွင် တွေ့ရှိရသော ရောဂါလက္ခဏာများမှာ ဖျားခြင်း ၈၃-၉၉ ရာခိုင်နှုန်း၊ ချောင်းဆိုး ခြင်း ၅၉-၈၂ ရာခိုင်နှုန်း၊ ကိုယ်လက်မအီမသာဖြစ်ခြင်း၊ ကြွက်သားနှင့်အဆစ်အမြစ်များ နာကျင်ခြင်း ၄၄-၇၀ ရာခိုင်နှုန်း၊ မောခြင်း ၃၁-၄၀ ရာခိုင်နှုန်း၊ လည်ချောင်းနာခြင်း ၁၀ ရာခိုင်နှုန်းအောက်၊ မူးဝေအော့အန်ခြင်းနှင့် ဝမ်းလျှောခြင်း ၁၀ ရာခိုင်နှုန်းအောက်၊ နှာခေါင်းပိတ်ခြင်း၊ နှာချေခြင်း၊ နှာစေးခြင်း ၁၀ ရာခိုင်နှုန်းအောက်နှင့် အနံ့၊ အရသာ၊ အာရုံခံစားမှု ပျောက်ကွယ်ခြင်း ၈၅-၈၈ ရာခိုင်နှုန်းရှိကြောင်း ထုတ်ပြန်ကြေ ညာထားသည်။