ကန်ရေခန်းခြောက်ခြင်းနှင့် စက်ရေတွင်း ချို့ယွင်းခြင်းများကြောင့် သောက်သုံးရေ လိုအပ်နေသည့် မြိုင်မြို့နယ် အိုးပြွန်ကျေးရွာသို့ Eleven Media Group နှင့် စေတနာရှင်များ ပူးပေါင်း၍ မေ ၁၅ ရက်က သောက်သုံးရေ ဂါလန် ၇၀၀၀ လှူဒါန်းပေးခဲ့သည်။
မြိုင်မြို့နယ် အိုးပြွန်ကျေးရွာမှာ အိမ်ခြေ ၄၀၀ ရှိပြီး သောက်သုံးရေအတွက် စက်ရေတွင်း တစ်တွင်းသာ အားထား သုံးစွဲနေရသည့်အတွက် ယခုမေလဆန်းမှစ၍ ရေရှားပါးမှု ပြဿနာ စတင်ကြုံတွေ့နေရခြင်း ဖြစ်ကြောင်း သိရသည်။
ယခင်က ကန်ရေနှင့် စက်တွင်းရေအား မျှတသုံးစွဲခဲ့သော်လည်း ကန်ရေမှာ ပြီးခဲ့သည့် ဧပြီလမှစတင် ခန်းခြောက်ခြင်းနှင့် စက်ရေတွင်းတစ်တွင်း ချို့ယွင်းခြင်းများကြောင့် လက်ရှိတွင် ရေတွင်းတစ်တွင်းတည်းကိုသာ အိမ်ခြေ ၄၀၀ ကျော် မှီခိုသုံးစွဲနေရကြောင်း သိရသည်။
“အရင်ကတော့ စက်ရေတွင်းနဲ့ ဆည်ရေနဲ့ မျှပြီးသုံးတယ်။ မိုးအလျဉ်မီရင်တော့ တစ်နှစ်လုံး ရေမပူရဘူး။ ခုနောက်ပိုင်း ဆည်ရေက ကိုယ့်တစ်ရွာတည်းအတွက်တင်မက အနီးနား ရွာတွေကလည်း သုံးကြတယ်။ မိုးကလည်း မကောင်းတော့ ကန်က ရေမကျန်တော့ဘူး။ စက်တွင်းကလည်း အရင် နှစ်တွင်းရှိတာမှာ တစ်တွင်းပျက်လို့ တစ်တွင်းနဲ့ သုံးနေရတယ်။ ရေတစ်ပုံးရဖို့ အချိန်အကြာကြီး တန်းစီပြီး စောင့်ရတယ်။ ခုလို အလှူရှင်တွေ လာလှူလို့သာ ရေက အလျဉ်မီပြီး သုံးဖြစ်စွဲဖြစ်နေတာ”ဟု အိုးပြွန်ကျေးရွာမှ ကိုစိုးပိုင်က ဆိုသည်။
အိုးပြွန်ကျေးရွာအတွက် လက်ရှိမောင်းနှင်နေသည့် စက်ရေတွင်းမှာ တစ်နေ့လျှင် ၁၈ နာရီခန့် မောင်းနှင်နေရပြီး ကျေးရွာရှိ အိမ်ထောင်စုနှင့် စက်ရေတွင်း မမျှတမှုကြောင့် စက်ရေတွင်းသစ် တူးဖော်နိုင်ရန် ကြိုးစားနေရသည့် ကျေးရွာ ဖြစ်သည်။
Eleven Media Group နှင့် စေတနာရှင်များ ပူးပေါင်း၍ သောက်သုံးရေ ဂါလန် ၇၀၀၀ လှူဒါန်းပေးမှုကြောင့် အိုးပြွန်ကျေးရွာ မှ အိမ်ခြေ ၄၀၀ ကျော်မှာ သောက်သုံးရေ ငါးရက်စာခန့် ဖူလုံစေခဲ့ပြီး တစ်အိမ်ထောင်လျှင် ရေဂါလန် ၄၀ ခန့် ရရှိခဲ့သည်။
လာမည့် မေ ၁၆ ရက်တွင် အနာဂတ်အလင်းတန်းမြန်မာဖောင်ဒေးရှင်းမှ Eleven Media Group သို့ ပံ့ပိုးသည့် ရေဂါလန် ၃၀၀၀ ဆံ့ ရေသယ်ယာဉ်နှင့် ဂါလန် ၄၀၀၀ ဆံ့ ရေသယ်ယာဉ်တို့ဖြင့် ရေစကြိုမြို့နယ် မြစ်လှချောင်ကျေးရွာ၊ သိမ်ကုန်းကျေးရွာနှင့် ညောင်ဦးမြို့နယ် ကန်ကျဲတဲတိုက်တို့အား သောက်သုံးရေ ဆက်လက် လှူဒါန်းပေးမည် ဖြစ်သည်။
ပခုက္ကူဒေသတစ်ဝိုက် စိုက်ပျိုးရေးလုပ်ငန်း လုပ်ကိုင်သော တောင်သူများမှာ မိုးဦးသီးနှံ စိုက်ပျိုးပြီးသော်လည်း မိုးမရရှိသည့်အတွက် အဆင်မပြေမှု ကြုံတွေ့ရပြီး အချို့တောင်သူများမှာ မိုးဦးသီးနှံ လုံးဝမစိုက်ပျိုးရသေးကြောင်း သိရသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
