ရီးယဲလ်မက်ဒရစ်အသင်း၏ တောင်ပံကစားသမား အေဒင်ဟာဇက်က အသင်းနှင့် ပထမဆုံးလက်တွဲသည့်ရာသီတွင် သူ၏ခြေစွမ်းမှာ စိတ်ပျက်ဖွယ်ဖြစ်ကြောင်း ဝန်ခံခဲ့သည်။
ဟာဇက်က ''ကျွန်တော့်ရဲ့ပထမဆုံးရာသီက စိတ်ပျက်စရာပါ။ ဒါပေမဲ့ အရာအားလုံးက ဆိုးရွားနေတာတော့မဟုတ်ပါဘူး။ ဒါဟာ အထိုင်ကျဖို့ ရုန်းကန်နေရချိန်ဖြစ်ပြီး ဒုတိယရာသီမှာတော့ ကျွန်တော့်ကို ဆုံးဖြတ်လို့ရပါပြီ။ လာမယ့်ရာသီမှာ ပုံစံကောင်းကိုမြင်ရပါလိမ့်မယ်''ဟု RTBF သို့ ပြောကြားခဲ့သည်။
ဟာဇက်သည် ဒဏ်ရာပြဿနာများကြောင့် ပထမဆုံးရာသီတွင် (၁၅)ပွဲသာကစားထားရပြီး တစ်ဂိုးသာသွင်းယူထားသေးသည်။
လက်ရှိတွင် ကိုရိုနာဗိုင်းရပ်စ်ကြောင့် စပိန်ဘောလုံးပြိုင်ပွဲများကို ရပ်ဆိုင်းထားပြီး ဟာဇက်မှာလည်း သီးသန့်နေထိုင်နေရသည်။
ယင်းအခြေအနေနှင့်ပတ်သက်ပြီး ဟာဇက်က '' ကျွန်တော် မကူးစက်နိုင်ဘူးလို့တော့ မပြောပါဘူး။ အခု အိမ်ထဲမှာပါ။ ဘယ်သူမှလည်း မလာပါဘူး။ ကျွန်တော်လည်း ဘယ်သူမှ မမြင်ပါဘူး။ အနည်းငယ်တော့ ကြောက်ရွံ့မိပါတယ်။ လူတိုင်းလည်း ဒီလိုပဲ
ဖြစ်ပါလိမ့်မယ်။ အထူးသဖြင့် ကျွန်တော်တို့ တခြားသူတွေနဲ့ မထိတွေ့အောင်နေရမယ်။ ဒါက အလေးအနက်ထား လုပ်ဆောင်ရမယ့်အရာပါ။ ကျွန်တော်တို့အနေနဲ့ ကိုယ့်ကိုယ်ကိုယ် ဂရုစိုက်ရပါမယ်။ ကိုယ်ခံအားနည်းတဲ့သူတွေကို ကျွန်တော် စိုးရိမ်တယ်။
ဘာကြောင့်လဲဆိုတော့ သူတို့က ဖြစ်နိုင်ခြေများလို့ပါပဲ''ဟု ပြောကြားခဲ့သည်။
ဟာဇက်သည် ရီးယဲလ်အသင်းသို့ ကနဦးပြောင်းရွှေ့ကြေး ပေါင်(၈၈)သန်းဖြင့် ရောက်ရှိလာပြီး Add-ons ကြေးနှင့်ပေါင်းလျှင် သူ၏အပြောင်းအရွှေ့တန်ဖိုးမှာ ပေါင် သန်း ၁၅၀ အထိရှိနိုင်ကြောင်း သိရသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
