အဲဗာတန်တိုက်စစ်မှူး ရစ်ချာလီဆန်နှင့် ရီးယဲလ်တိုက်စစ်မှူး ဗင်နီစီယပ်စ်တို့သည် ဘရာဇီးလ်အသင်း၏ လေ့ကျင့်ရေးအစီအစဉ်တွင် ခိုက်ရန်ဖြစ်ပွားခဲ့ကြောင်း သိရသည်။
ဘရာဇီးလ်အသင်းသည် ဇွန်လနိုင်ငံတကာရက် သတ္တပတ်အတွင်း အာရှသို့လာရောက်ပြီး တောင်ကိုရီးယား၊ ဂျပန်တို့နှင့် ခြေစမ်းပွဲများ ယှဉ်ပြိုင်ကစားခဲ့ခြင်း ဖြစ်သည်။ ဂျပန်နှင့်ပွဲအတွက် စနေနေ့က လေ့ကျင့်မှု ပြုလုပ်စဉ် ရစ်ချာလီဆန်နှင့် ဗင်နီစီယပ်စ်တို့ ခိုက်ရန် ဖြစ်ပွားခဲ့ခြင်းဖြစ်သည်။
ဘရာဇီးလ်အသင်း၏ လေ့ကျင့်မှုအစီအစဉ်ကို မီဒီယာများက စောင့်ကြည့်နေခဲ့ကြသည့်အတွက် ခိုက်ရန်ဖြစ်ပွားခဲ့သည့် ဓာတ်ပုံများ လူမှုကွန်ရက်တွင် ပျံ့နှံ့သွားခဲ့ပြီး နေမာ၊ အဲလ်ဗတ်စ်နှင့် ပါကေတာတို့က ဝင်ရောက်ဖျန်ဖြေပေးခဲ့ရကြောင်း သိရသည်။
ပြဿနာဖြစ်ပွားခဲ့သည့်အကြောင်းရင်းကို မီဒီယာများက ဖော်ပြနိုင်ခြင်းမရှိခဲ့သော်လည်း ရစ်ချာလီဆန်က ကိုယ်ထိလက်ရောက်စတင်ပြုမူခဲ့ခြင်း ဖြစ်သလို၊ အသင်းဖော်များ ဖျန်ဖြေပေးခဲ့သည့်နောက်တွင်လည်း ထပ်မံရန်ပြုရန် ကြိုးပမ်းခဲ့ကြောင်း သိရသည်။
ယင်းဖြစ်ရပ်နှင့် ပတ်သက်၍ ပရိသတ်အချို့က လူမှုကွန်ရက်တွင် လှောင်ပြောင်မှုများ ပြုလုပ်ခဲ့ရာ ဗင်နီစီယပ်စ်က ရစ်ချာလီဆန်ကို ချန်ပီယံလိဂ်မရဖူးသူ၊ နောက်ရာသီ၌ အဲဗာတန်နှင့် တန်းဆင်းရမည့်သူအဖြစ် စနောက်ခဲ့ကြောင်း၊ လူကာကူက ပိုကောင်းသည်ဟု ပြောကြားခဲ့ချိန်တွင် ရစ်ချာလီဆန်က စိတ်မထိန်းနိုင်တော့ဘဲ ရန်ပြုရန် ကြိုးပမ်းခဲ့ခြင်းဖြစ်ကြောင်း ရေးသားခဲ့ကြသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
