လီဗာပူးလ်အသင်းနောက်ခံလူ ဂိုးမက်ဇ်က ယခုရာသီတွင် ချန်ပီယံဆုများ ရယူလိုပါက မိမိတို့အနေဖြင့် ယခုထက်ပိုမိုတိုးတက်ရန် လိုအပ်ကြောင်း အသင်းဖော်များကို သတိပေးပြောကြားခဲ့သည်။
လီဗာပူးလ်အသင်းနောက်ခံလူ ဂိုးမက်ဇ်က ယခုရာသီတွင် ချန်ပီယံဆုများ ရယူလိုပါက မိမိတို့အနေဖြင့် ယခုထက်ပိုမိုတိုးတက်ရန် လိုအပ်ကြောင်း အသင်းဖော်များကို သတိပေးပြောကြားခဲ့သည်။
လီဗာပူးလ်အသင်းသည် ယခုရာသီတွင် (၃) ပွဲကစားခဲ့ရာတွင် ပွဲတိုင်း ဂိုးပေးထားရပြီး ယင်း (၃) ပွဲတွင် ဂိုးကန်သွင်းခွင့် အကြိမ် (၄၀) အထိ ပေးခဲ့ရကြောင်း သိရသည်။
ယင်းပမာဏမှာ ပြီးခဲ့သည့် ၂၀၁၈-၁၉ ရာသီက ရာသီအစ (၃) ပွဲနှင့် ယှဉ်လျှင် (၂) ဆကျော်ပိုများနေကြောင်း သိရသည်။
ဂိုးမက်ဇ်က "ကျွန်တော်တို့အနေနဲ့ ကစားသမားတစ်ဦးချင်းရော၊ အသင်းလိုက်ပါ တိုးတက်ဖို့ လိုအပ်ပါတယ်။ ဒီရာသီမှာ အသင်းရဲ့ နောက်တန်းက လွဲချော်နေတာတွေ ရှိတယ်။ မှားနေတာတွေ ရှိတယ်။ ပြီးတော့ ပထမပိုင်းတွေမှာ ကျွန်တော်တို့အနေနဲ့ ပထမပိုင်းတွေမှာ အကောင်းဆုံးစွမ်းဆောင်နိုင်သေးခြင်း မရှိပါဘူး။ ကျွန်တော်တို့အနေနဲ့ ချန်ပီယံဆုတွေကို စိန်ခေါ်ဖို့ဆိုရင်တော့ အခုထက်ပိုကောင်းအောင် လုပ်ဖို့လိုမယ်" ဟု ပြောကြားခဲ့သည်။
လီဗာပူးလ်အသင်းသည် ပြီးခဲ့သည့် ၂၀၁၈-၁၉ ရာသီက ပရီးမီးယားလိဂ်ပြိုင်ပွဲတွင် ရမှတ် (၉၇) မှတ်အထိ ရရှိခဲ့သော်လည်း မန်စီးတီးအသင်းက (၁) မှတ်အသာဖြင့် ချန်ပီယံကို ရယူသွားခဲ့သည်။
လီဗာပူးလ်အသင်းသည် ယခု ၂၀၁၉-၂၀ ရာသီ ပရီးမီးယားလိဂ်အဖွင့်ပွဲစဉ်တွင် တန်းတက် နောဝစ်ချ်အသင်းကို (၄-၁) ဂိုးဖြင့် အနိုင်ရရှိခဲ့ပြီး ဒုတိယပွဲစဉ်အဖြစ် စနေနေ့တွင် ဆောက်သမ်တန်အသင်းနှင့် အဝေးကွင်းပွဲစဉ် ကစားရမည်ဖြစ်သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
