ရခိုင်ပြည်နယ် ပေါက်တောမြို့နယ်တွင် သြဂုတ် ၂၃ ရက် နံနက်ပိုင်းက မိုးကြိုးပစ်ခံရသဖြင့် စေတီတစ်ဆူ၏ အထက်ပိုင်း ပျက်စီးခဲ့ပြီး သြဂုတ် ၂၂ ရက်က မိုးကြိုးပစ်ခံရသဖြင့် လူတစ်ဦး သေဆုံးခဲ့ကြောင်း သိရသည်။
ယင်းသို့ စေတီထီးတော် ပျက်စီးခြင်းနှင့် ပတ်သက်ပြီး ကျေးရွာအုပ်ချုပ်ရေးမှူ ဦးအောင်ကျော်ဝင်းက “စေတီအထက်ပိုင်းက လုံးဝပျက်စီးသွားတယ်။ ထီးတော်လည်း ပါသွားတယ်။ အဲဒီနေ့က မိုးကလည်းရွာတယ်။ မိုးရွာနေတဲ့ အချိန်မှာ မိုးကြိုးပစ်ချလိုက်တာပါ။ အထက်ပစ္စည်းယံလို့ ပြောမလာ။ အဲဒီနေရာကနေ ကျိုးကျသွားတယ်။ တခြားလူတွေကို ထိခိုက်တာတော့ မဟုတ်ဘူး။ ကျွန်တော်တို့ တောင်ညိုမှာ စေတီလေးဆူရှိတယ်။ အလတ်စားစေတီ ထိမှန်သွားတာပါ။ အဲဒီစေတီက အမြင့်ဆုံးတောင်ကမူမှာ တည်ထားတာပါ၊ နောက်ပြီး ၂၂ ရက်နေ့ကလည်း အမျိုးသမီးတစ်ဦး မိုးကြိုးပစ်ခံရပြီး သေဆုံးသွားတာ ရှိပါတယ်” ဟု ပြောကြားသည်။
အဆိုပါ သေဆုံးသူ အမျိုးသမီးမှာ ပေါက်တောမြို့နယ်၊ ကြိုင်ရှီကျေးရွာနေ မလှဝင်း အသက် ၁၃ နှစ်ဖြစ်ပြီး သြဂုတ် ၂၂ ရက် ညနေ ၄ နာရီကျော် အချိန်ခန့်တွင် မိုးကြိုးပစ်ခံရပြီး သေဆုံးသွားခဲ့ခြင်း ဖြစ်ကြောင်း သိရသည်။
မိုးရာသီ၊ အထူးသဖြင့် မိုးဦးရာသီတို့တွင် မိုးကြိုးပစ်ခံရသဖြင့် လူနှင့် ကျွဲ၊ နွား တိရစ္ဆာန်များလည်း သေဆုံးမှု ရှိကြောင်းနှင့် နှစ်စဉ်သေဆုံးမှုများရှိကြောင်း သိရသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
