စစ်ကိုင်းတိုင်းဒေသကြီး ခန္တီးမြို့နယ် အရှေ့ကောက်တောင်းကျေးရွာထိပ် မြစ်ကမ်းပါး ပြိုကျမှုစိုးရိမ်ရသဖြင့် ရွာသားများက ကိုယ်ထူကိုယ်ထကမ်းထိန်းနံရံ ပြုလုပ်နေရကြောင်းသိရသည်။
အရှေ့ကောက်တောင်းကျေးရွာ ရွာထိပ်ရှိ ချင်းတွင်းမြစ်ကမ်းပါးသည် နှစ်စဉ်ကမ်းပါး ပြိုကျမှုဖြစ်ပွားပြီး ယခုနှစ်တွင် ကမ်းပါးပြိုကျမှုမှာ လူနေအိမ်များနှင့်နီးကပ်လာပြီး စိုးရိမ်ရသဖြင့် ကျေးရွာသားများက ကိုယ်ထူကိုယ်ထ ကမ်းထိန်းနံရံပြုလုပ်နေကြကြောင်း ကျေးရွာသားတစ်ဦး၏ ပြောကြားချက်အရသိရသည်။
“ကမ်းက နှစ်တိုင်းပြိုတယ်။ ဒီနှစ်တော့ လူနေအိမ်နဲ့အတော်နီးကပ်လာပြီး စိုးရိမ်ရတာနဲ့ ကျေးရွာသားတွေစုပြီး ကိုယ်ထူကိုယ်ထ ကမ်းထိန်းနံရံလုပ်ကြတာ။ တောထဲကသစ်တွေခုတ် တိုင်စိုက်ပြီး ပျဉ်ချပ်တွေနဲ့ ခြံခတ်သလို လုပ်မှာပေါ့။ ပြီးမှ အဲဒီထဲမှာ ကျောက်အိတ်၊ သဲအိတ်တွေ ချထားလိုက်မှာ။ ရေကြီးပြီးပြန်ကျသွားရင်လည်း အဲဒီခြံထဲမှာ နုန်းတွေကအနည်ထိုင်ပြီး ကျန်ခဲ့တော့ ကမ်းပါးတဖြည်း ဖြည်းပြန်ပြည့်လာတာပေါ့။ ဒီဘက်မှာတော့ ရွာအများစု ကမ်းပြိုရင် ဒီလိုနည်းနဲ့ပဲ ကိုယ်ထူကိုယ်ထကမ်းထိန်းနံရံလုပ်ကြတာ။ အဲဒီနည်းက ကမ်းပြိုတာ အတော်လေးသက်သာတယ်” ဟု အရှေ့ကောက်တောင်း ကျေးရွာသားတစ်ဦးက ပြောကြားသည်။
ခန္တီးမြို့နယ် ချင်းတွင်းမြစ်ကမ်းပါးအနီးရှိ ကျေးရွာအချို့သည် ကမ်းပြိုကျမှုကို နှစ်စဉ်ရင်ဆိုင်နေရပြီး ကိုယ်ထူကိုယ်ထရေထိန်းနံရံများ ပြုလုပ်ပြီး ကမ်းပြိုမှုကို ကာကွယ်နေကြရကြောင်း သိရသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
