ရှမ်းပြည်နယ်မှ ကယားပြည်သို့အဝင် လွိုင်ကော်မြို့နယ် ပီကင်းကောခူ စစ်ဆေးရေးဂိတ်တွင် ဇန်နဝါရီလ ၂၇ ရက်နေ့မှစတင်၍ လုံခြုံရေးတိုးမြင့်စစ်ဆေးမှုများပြုလုပ်နေကြောင်း သိရသည်။
လွိုင်ကော်မြို့နှင့် ရှစ်မိုင်ခန့်ဝေးသော ပီကင်းကောခူဂိတ်တွင် ဖြတ်သန်းသွားလာခွင့်ကို အင်အားဖြည့် စစ်ဆေးမှုများပိုမိုပြုလုပ်လာသည့်အပေါ် အနီးအနားကျေးရွာများမှလည်း စိုးရိမ်လျက်ရှိကြကြောင်းသိရသည်။
''မလိုလားအပ်တဲ့ပြဿနာတွေမဖြစ်အောင်ပေါ့။ ညှိနှိုင်းဖြန်ဖြေရေးအဖွဲ့တွေရှိတယ်။ ဒီအဖွဲ့တွေကို ဂိတ်တွေမှာ တာဝန်ပေးထားတဲ့သဘောပါ။ ဂျူတီချတာက ပုံမှန်ဂိတ်တွေမှာ မြို့နယ်မှုးတွေ။ ပြည်နယ်အဆင့် ဌာနဆိုင်ရာကပါ ဂိတ်မှာ ဂျူတီချထားတာလေ။ COVID နဲ့ပက်သက်လို့။ ခုလည်း ဒီသဘောပါပဲ။ ဆန္ဒပြဖို့ဘာညာမဟူတ်ပါဘူး။ ကားကြီးတွေနဲ့စုပြုံလွိုင်ကော်ထဲကထွက်သွားမှာ COVID ညွှန်ကြားချက်နဲ့ မညီဘူးပေါ့။ ဒါလေးတွေကိုဖြန်ဖြေ ပေးဖို့ရအောင်။ ဒိလိုလေ ၂၉ ရက်နေ့မှာ သတင်းတွေက ကြားနေတာကိုး ဒါကြောင့်မို့။ မြို့နယ်တိုင်းပါပဲ။ မြို့နယ်တိုင်း Alert လုပ်ထားတာပေါ့။ ကျွန်တော်တို့ကလည်းတစ်ခုခုဆို သတိထားရမယ့် အနေအထား'ဖြစ်နေတာကိုး” ဟု လွိုင်ကော်မြို့နယ် အထွေထွေအုပ်ချုပ်ရေး ဦးစီးဌာန အုပ်ချုပ်ရေးမှုး ဦးရန်နိုင်ဝင်းကပြောကြားသည်။
ရှမ်းပြည်နယ်ဘက်နှင့် ကယားပြည်နယ်ဘက်တွင် ဆန္ဒထုတ်ဖော်မှုများပြုလုပ်ပါက နယ်စပ်ဂိတ်အားဖြတ်၍ သွားလာမည်ကို မလိုလားသောကြောင့် လုံခြုံရေးတိုးမြင့်သည်ဟုလည်း ကောလာဟလများ ထွက်ပေါ်နေသည်ဟု အနီးအနားကျေးရွာသားများထံမှ သိရသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
