Top News

ပေါ်တူဂီလက်ရွေးစင်အသင်း၏ တိုက်စစ်မှူး စီရော် နယ်လ်ဒိုက သူသည် အီရန်လက်ရွေးစင်အသင်း၏တိုက်စစ်မှူး အလီဒါယီတင်ရှိထားသည့် လက်ရွေးစင်သွင်းဂိုးအများဆုံးစံချိန်ကို သေချာပေါက်ကျော်ဖြတ်သွားမည်ဖြစ် ကြောင်း ပြောကြားခဲ့သည်။

ယင်းစံချိန်ကို ကျော်ဖြတ်နိုင်သည်အထိ ကစားသွားရန် ဆန္ဒရှိ၊ မရှိကို မီဒီယာများက မေးမြန်းခဲ့ရာ စီရော်နယ်လ်ဒိုက ''စံချိန်အားလုံးဟာ သေချာပေါက် ရိုက်ချိုးခံရမှာပါပဲ။ ဒီစံချိန်ကို တော့ ကျွန်တော်က ကျော်ဖြတ်မှာပါ''ဟု ပြောကြားခဲ့ခြင်း ဖြစ်သည်။

စီရော်နယ်လ်ဒိုသည် ယခုနှစ်အတွင်းတွင် ပေါ်တူဂီအသင်းအတွက် အံ့အားသင့်ဖွယ် အရေအတွက်ဖြစ်သည့် သွင်းဂိုး (၁၄)ဂိုးအထိသွင်းယူခဲ့ပြီးနောက် လက်ရွေးစင်သွင်း ဂိုးအရေအတွက်မှာ (၉၉)ဂိုးအထိ ရှိလာခဲ့ပြီဖြစ်သည်။

ယင်းအတွက်ကြောင့် (၁၀၉)ဂိုးသွင်းယူခဲ့သည့် အလီဒါယီ ၏ စံချိန်ကို မီရန်အတွက် (၁၀)ဂိုးသာ လိုတော့ပြီး ကျော် ဖြတ်နိုင်ရန်အတွက်မူ (၁၁)ဂိုးလိုအပ်လျက်ရှိသည်။

လက်ရှိအချိန်တွင် နိုင်ငံတကာ ဘောလုံးလော က၏ သမိုင်းတွင် သွင်းဂိုး (၁၀၀)ပြည့်မြောက်သည့် ကစား သမားမှာ အလီဒါယီတစ်ဦးသာရှိနေကြောင်းလည်း သိရှိရသည်။

စီရော်နယ်လ်ဒိုသည် ပေါ်တူဂီအသင်းအတွက် နောက်တစ်ပွဲကို ၂၀၂၀ မတ်လအတွင်းမှ ပြန်လည်ကစား ရတော့မည်ဖြစ်ပြီး ယင်းပွဲတွင် ဂိုးသွင်းယူနိုင်ခဲ့ပါက နိုင်ငံ တကာ ဂိုး (၁၀၀)ပြည့်သည့် ဒုတိယမြောက်ကစားသမား ဖြစ်လာမည်ဖြစ်ကြောင်းလည်း သိရှိရသည်။

အလီဒါယီသည် အာရှဘောလုံးလောကတွင် ထင်ရှားသည့် တိုက်စစ်မှူးတစ်ဦးဖြစ်သလို၊ အီရန်အသင်း၏အကောင်းဆုံးအချိန်များတွင် ဦးဆောင်ကစားခဲ့သူဖြစ်သည်။

သူသည် အာမေးနီးယား၊ ဘိုင်ယန်မြူးနစ်၊ ဟာသာဘာလင် စသည့် ဂျာမန်ကလပ်များတွင်လည်း ကစားခဲ့ဖူးသည်။

လက်ရွေးစင်သွင်းဂိုးအများဆုံးကစားသမားများ

အဆင့်    အမည်    နိုင်ငံ    ပွဲ    ဂိုး

၁        အလီဒါယီ    အီရန်    ၁၄၉    ၁၀၉

၂        စီရော်နယ်လ်ဒို    ပေါ်တူဂီ    ၁၆၄    ၉၉

၃        ပွတ်ရှ်ကပ်စ်    ဟန်ဂေရီ    ၈၅    ၈၄

၄        ကာမာမိုတို    ဂျပန်    ၈၄    ၈၀

၅        ချီတာလူ    ဇမ်ဘီယာ    ၁၁၁    ၇၉