Top News

တောင်ကိုရီးယားနိုင်ငံတွင် အိုမီခရွန် မျိုးကွဲကြောင့် နေ့အလိုက် ရောဂါကူးစက်ခံရ သူသစ် ၃၈၆၉၁ ဦး ရှိခဲ့သည်ဟု ကျန်းမာရေး အရာရှိများက ပြောကြားခဲ့ချိန်တွင် ဖေဖော်ဝါ ရီ ၆ ရက်က နိုင်ငံအတွင်း COVID-19 ကူး စက်ခံရသူစုစုပေါင်း ၁ သန်းကျော်ရှိခဲ့သည်။

တောင်ကိုရီးယားသည် ၂၀၂၀ ပြည့်နှစ် ဇန်န ၀ါရီ ၂၀ ရက်က ပထမဆုံး COVID-19 ကူး စက်မှုဖြစ်စဉ်ကို တွေ့ရှိခဲ့ပြီး မကြာမီအချိန် အတွင်းမှာပင် တရုတ်နိုင်ငံပြင်ပ၌ ရောဂါကူး စက်မှုအများအပြားဖြစ်ပွားခဲ့သည်။

သို့သော် လည်း ရောဂါကို ခြေရာခံခြင်း၊ နှာခေါင်းစည်း များတပ်ခြင်းနှင့် ကွာရန်တင်း စည်းမျဉ်းများ ကို တင်းကျပ်စွာလုပ်ဆောင်ခဲ့သည့် မဟာဗျူ ဟာကြောင့် ကပ်ရောဂါအစောပိုင်းလှိုင်းများ တွင် အခြားနိုင်ငံများထက် ကူးစက်၊သေဆုံးမှု နှုန်းကို လျှော့ချနိုင်ခဲ့သည်။

 မည်သို့ပင်ဆိုစေ မကြာသေးမီက အလွန်ကူးစက်မြန် အိုမီခရွန် မျိုးကွဲကူးစက်မှုများကြောင့် ရောဂါကူးစက်ခံ ရသူသစ် မြင့်တက်ခဲ့သည်။

ကာကွယ်ဆေးထိုး နှံမှုမြင့်မားသည့် တောင်ကိုရီးယားတွင် ကပ်ရောဂါကြောင့် သေဆုံးသူ လျော့ကျလာခဲ့ သော်လည်း ဖေဖော်ဝါရီ ၅ ရက်တွင် သေဆုံးသူသစ် ၁၅ ဦးရှိခဲ့သည်ဟု ကိုရီးယား ရောဂါ ထိန်းချုပ်ရေးနှင့် ကာကွယ်တားဆီးရေး အေဂျင်စီ KDCA က ထုတ်ပြန်ခဲ့သည်။

ဖေဖော်ဝါရီ ၅ ရက်အထိ တောင်ကိုရီးယားတွင်ရောဂါ ကူးစက်ခံရသူစုစုပေါင်း ၁၀၀၉၆၈၈ ဦးရှိကာ သေဆုံးသူစုစုပေါင်း ၆၈၇၃ ဦးရှိခဲ့သည်။

လက်ရှိအချိန်အထိ တောင်ကိုရီးယား၏ လူ ဦးရေ ၅၂ သန်းအနက် ၈၆ရာခိုင်နှုန်းနီးပါးမှာ ကာကွယ်ဆေးအပြည့်အဝထိုးနှံပြီးစီးခဲ့ကာ ၅၄.၅ ရာခိုင်နှုန်းမှာ ထပ်တိုးကာကွယ်ဆေး ထိုးနှံပြီးဖြစ်သည်။