ကယားပြည်နယ်၊ လွိုင်ကော်မြို့ကို (၆)လအတွင်း လျှပ်စစ် ဓာတ်အားပြန်ပေးနိုင်ရန်အတွက် ဘီလူးချောင်း အမှတ် (၂) ရေအားလျှပ်စစ် ဓာတ်အားပေးစက်ရုံ(လောပိတ)ကို ပြန်လည်ပြင်ဆင်မှုများ ဆောင်ရွက်နေကြောင်း သိရသည်။
ပြီးခဲ့သည့် စက်တင်ဘာလအတွင်း မိုးသည်းထန်စွာရွာသွန်းကာရေကြီးရေလျှံမှုကြောင့် ဘီလူးချောင်း အမှတ်(၂)ရေအားလျှပ်စစ်ဓာတ်အားပေး စက်ရုံဝန်း (လောပိတ)သည်လည်း ရေဝင်ရောက်မှုဒဏ်ကိုခံရကာ လျှပ်စစ်ဓာတ်အားပေးစက်များ ပျက်စီးမှုများ ဖြစ်ပေါ်ခဲ့ခြင်း ဖြစ်သည်။
လက်ရှိတွင် စက်ရုံအတွင်းရှိ နုံးမြေများ ရှင်းလင်းနေကာ ပုံမှန်လည်ပတ်နိုင်ရန် ပြန်လည်ပြင်ဆင်နေပြီး စက်များကို စစ်ဆေးခြင်း၊ ပြန်လည်ပြုပြင်ခြင်းများ စတင်ဆောင်ရွက်နေကြောင်း သိရသည်။
ယင်းကဲ့သို့ စက်ရုံအတွင်း ပျက်စီးဆုံးရှုံးမှုများကြောင့် အမှတ်(၂)ရေအားလျှပ်စစ်ဓာတ်အားပေးစက်ရုံမှ လျှပ်စစ်ဓာတ်အား အဓိကယူသည့် လွိုင်ကော်မြို့အတွင်း လျှပ်စစ်မီး မရရှိသေးဘဲ လောပိတကျေးရွာအုပ်စုဘက်တွင်မူ အမှတ်(၁) စက်ရုံမှ မီးရယူနေသောကြောင့် လျှပ်စစ်မီးရရှိနေကြောင်းလည်း သိရသည်။
ယာဂီမုန်တိုင်းအရှိန်ဖြင့် ပြီးခဲ့သည့် စက်တင်ဘာလအတွင်းက မြန်မာနိုင်ငံ တိုင်းဒေသကြီးများတွင် ရေကြီးရေလျှံ မြေပြိုမှုများ ဖြစ်ပွားခဲ့ပြီး လက်ရှိတွင် ပြန်လည်ထူထောင်ရေးလုပ်ငန်းများကို ပြန်လည်လုပ်ဆောင်နေကြရဆဲ ဖြစ်သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
