Top News

၂၀၂၁-၂၂ ရာသီ ထိုင်းလိဂ်ပြိုင်ပွဲများ၏  ယခုတစ်ပတ်ပွဲစဉ်များကို ဇန်နဝါရီ ၂၂ ရက် နှင့် ၂၃ ရက်များက ဆက်လက်ကျင်းပခဲ့ရာ မြန်မာကစားသမားများထဲမှ မောင်မောင်လွင်၊ ကျော်ကိုကို၊ အောင်ကျော်နိုင်၊ ဆွမ်လမန်နှင့်အောင်ကောင်းမာန်တို ့မှာ ပွဲထွက်ကစားခွင့်ရခဲ့ပြီး အောင်သူ၊ ဇော်မင်းထွန်းတို ့မှာမူ လူစားဝင်ကစားခွင့်သာရရှိခဲ့ကြောင်း သိရသည်။

ဇန်နဝါရီ ၂၃ ရက်က ကစားခဲ့သည့် ထိုင်းလိဂ်-၁ ပြိုင်ပွဲ ပွဲစဉ် ၁၈ တွင် အောင်သူ၏ ဘူရီရမ်အသင်းသည် ဘန်ကောက်ယူနိုက်တက်ကို (၁-၀) ဂိုးဖြင့် အနိုင်ရခဲ့သော်လည်း အောင်သူမှာမူ ပွဲကစားချိန် ၆၉ မိနစ်ရောက်မှသာ ဝင်ကစားခွင့်ရခဲ့သည်။

ယင်းနေ ့၏ ထိုင်းလိဂ်-၂ ပြိုင်ပွဲ ပွဲစဉ် ၂၀ တွင် အောင်ကောင်းမာန်၏ အူဒွန်ထာနီအသင်းမှာ မြောင်ကန်အသင်းကို (၁-၆) ဂိုးဖြင့်ရှုံးနိမ့်ခဲ့ပြီး အောင်ကောင်းမာန်မှာမူ ပွဲချိန်ပြည့်ကစားခွင့် ရခဲ့သည်။

အောင်ကျော်နိုင်၏ ရနောင်းအသင်းမှာ ကျော်ကိုကို၏ Rayong အသင်း ကို (၁-၀) ဂိုးဖြင့် အနိုင်ရခဲ့ပြီး မြန်မာကစားသမားနှစ်ဦးစလုံးမှာ ပွဲထွက်ခွင့်ရခဲ့သော်လည်း အောင်ကျော်နိုင်မှာ ၈၆ မိနစ်၊ ကျော်ကိုကိုမှာ ၆၇ မိနစ်တို ့တွင် လူစားလဲခံခဲ့ရသည်။

ဇန်နဝါရီ ၂၂ ရက်က ကစားခဲ့သည့် ထိုင်လိဂ် -၂ ပြိုင်ပွဲ ပွဲစဉ် ၂၀ တွင် မောင်မောင်လွင်၏ လမ်ဖွန်အသင်းမှာ ဆူခိုထိုင်းအသင်းနှင့် တစ်ဂိုးစီသရေကျခဲ့ပြီး မောင်မောင်လွင်မှာမူ ပွဲချိန်ပြည့်ကစားခွင့်ရခဲ့သည်။

ဆွမ်လမန်၏ ထိုင်းရေတပ်အသင်းမှာ နာခွန်ပတ်သွမ်အသင်းကို (၂-၃) ဂိုးဖြင့်ရှုံးနိမ့်ခဲ့ပြီး ဆွမ်လမန်မှာ ပွဲထွက်ကစားခွင့်ရခဲ့သော်လည်း ပွဲကစားချိန် ၇၄ မိနစ်တွင် လူစားလဲခံခဲ့ရသည်။

ဇော်မင်းထွန်း၏ ထရတ်အသင်းသည် ရတ်ပရာချာအသင်းကို (၁-၀) ဂိုးဖြင့် အနိုင်ရခဲ့သော်လည်း ဇော်မင်းထွန်းမှာမူ ပွဲပြီးခါနီးနာကျင်အချိန်ပိုရောက်မှသာ လူစားဝင်ကစားခွင့် ရခဲ့သည်။

မြန်မာ့လက်ရွေးစင်တိုက်စစ်ကစားသမားဖြစ်သည့် အောင်ကောင်းမာန်၏ အူဒွန်ထာနီအသင်းသည် COVID-19 ရောဂါကူးစက်မှုများကြောင့် Quarantine ဝင်ခဲ့ရ၍ ထိုုင်းလိဂ်-၂ ပြိုင်ပွဲ ဒုတိယအကျော့ ပြန်လည်စတင်သည့် ပွဲစဉ်နှစ်ပွဲကို ကစားခွင့် မရခဲ့ကြောင်း သိရသည်။

အောင်ကောင်းမာန်သည် ရာသီဝက်အပြောင်းအရွှေ  ့ကာလမှ ရောက်ရှိခဲ့၍ ယခုတစ်ပတ်ပွဲစဉ်မှာ သူ၏ ပထမဆုံးကစားခွင့်ရသည့်ပွဲ ဖြစ်ခဲ့သည်။